احمدصهیب حسرت

ځینو کسانو پر ټولنیزو پاڼو لیکلي چې د انټرپول پولیسو د افغانستان د پخواني ولسمشر لومړی مرستیال عبدالرشید دوستم په ترکیه کې نیولی خو د هغه دفتر دا اوازې ردوي.

د ملګرو ملتونو د وګړو صندوق د اسیا برخې مسوول افغانستان ته د خپل پنځه ورځني سفر په پای کې له نړۍ غوښتي چې باید پر افغانستان تمرکز له لاسه ورنه کړي.

د افغانستان ستره محکمه وایي، د جعلکارۍ مخنیوي او جعلکارانو ته د سزا ورکولو طرزالعمل یې تایید کړی چې له مخې به یې جعلکارانو ته له شپږو میاشتو تر اوو کلونو سزا ورکړل شي.

د افغانستان لپاره د امریکا متحده ایالتونو ځانګړی استازی وایي، د پاکستان په ګډون څلورو هېوادونو ته خپل سفر پيلوي او هلته به له خپلو شریکانو سره د کډوالو خوندیتوب او بیامېشتېدنې ترڅنګ پر نور بېلابېلو موضوعاتو خبرې وکړي.

د اقتصادي کمېسیون تخنیکي کمېټې د برېښنا پنځه‌کلن پراختیایي پلان په پرنسیپ کې تایید کړی چې له مخې به یې په راتلونکو پنځو کلونو کې د هېواد په کچه د ۳،۸ میلیارده ډالرو په لګښت د برېښنا د تولید شاوخوا ۲۰۰ بېلابېلې پروژې بشپړې شي.

د افغانستان د سترې محکې په بېلابېلو برخو کې لس نوي رییسان او دوه د دې محکمې د دارالافتاء غړي ټاکل شوي دي.

هند کې د افغانستان سفارت په اعلامیه کې راغلي چې د ډیپلوماتانو دندې یې پای ته رسېدلې او دغه ماموریت یې د هند حکومت ته سپارلی، خو دوه نور ډیپلوماتان وایي چې د سفارت مشري دوی پر غاړه اخیستې ده.

ا.ا د افغانستان په اړه امنیت شورا ته د وړاندې شوي راپور ځینې برخې ستایي، خو وایي، افغانستان د افغانانو د ځانګړي متنوع جوړښت استازولي کوي، بايد په شخړو کې د ښکېل او داسې هېواد په سترګه ورته ونه کتل شي چې سياسي جوړجاړي ته اړتيا ولري.

د ا.ا ویاند وایي، د کرنې، اوبو لګولو او مالدارۍ او د اوبو او برېښنا وزارتونو د پرېکړې له مخې، له وچکالۍ سره د مبارزې په موخه د هېواد په ټولو ولسوالیو کې د اوبو بندونه جوړیږي.

د پاکستان موقت لومړي وزیر یو ځل بیا تور پورې کړی چې ګواګې د ټي‌ټي‌پي غړي په افغانستان کې دي او له هغه ځایه پر دوی بریدونه تنظیموي خو ا.ا وایي، په افغانستان کې داسې څوک نشته چې پاکستان ته ګواښ پېښ کړي.

د ناروې بهرنیو چارو وزارت له پاکستانه د افغان کډوالو په لویه کچه ایستلو او د هغوی پر وضعیت اندېښنه څرګنده کړې ده.

د افغانستان بهرنیو چارو وزارت وایي، پاکستان غواړي د تګ راتګ لپاره د چمن – بولدک پر خلکو پاسپورټ او ویزه جبري کړي چې دا هم د کډوالو د جبري اخراج په څېر د دغه هېواد یوه اړخیزه او د ځمکنیو واقعیتونو خلاف پرېکړه ده.