باران

د چاپېریال‌ساتنې اداره او د شبرغان ښاروالۍ په نوښت له ښاره د کثافاتو ټولولو په موخه په دغه ښار کې عمومي حشر وشو.

د جوزجان د کرنې ریاست د دغه ولایت په مرکز شبرغان ښار کې د یوازېني تفریحي بڼ (ځنګل‌باغ) د بیارغونې کار له پیلېدو خبر ورکوي.

د جوزجان ولایت د قوش‎تپې ولسوالۍ پر لاره د یوه مازدا موټر چپه کېدو پېښه کې ۵ کسان مړه او ۲۸ نور ټپیان شوي دي.

د شبرغان ښار اوسېدونکي د دې ښار د حلقوي سړک د جوړېدو له چارو چې اته کاله وړاندې پیل شوې وې او لا هم نه دي بشپړې شوي، شکایت کوي او له سرپرست حکومته یې د بشپړېدو غوښتنه وکړه.

په جوزجان کې جوګیان وایي، د ژوند له ټولو معیشتي مسایلو نه بې برخې دي او مخکنیو حکومتونو د ژوند پایښت ته یې د پام وړ کارونه نه دي ترسره کړي؛ هغوی له اوسني حکومته وغوښتل څو د ستونزو هوارولو لپاره یې لاس په کار شي.

یو شمېر جوزجانۍ مېرمنې د مرخېړیو کرلو له لارې ځان بسیاینې ته رسېدلې دي او له حکومته یې غواړي څو د نورو سبو کرلو په برخه کې روزنه ورکړي.

په داسې حال کې چې درې کاله مخکې د جوزجان ولایت په اطلاعاتو او کلتور ریاست کې د عامه کتابتون ودانۍ د بنسټ ډبره اېښودل شوې وه، خو د جوړولو چارې يې د تهکوۍ د غولي تر حده نیمګړې پاتې دي.

په جوزجان او فاریاب ولایتونو کې سیمه ییز مسوولین وايي، له ۱۵۰ ډېرو ښځو او نارینوو ته د تخنیکي او مسلکي زده کړو ترڅنګ کاري وسایل هم ورکړي دي.

د جوزجان ولایت امنیه قومانداني، د یاد ولایت په خانقاه ولسوالۍ کې د وسلو او مهماتو د یوې زېرمې د کشف او ترلاسه کېدو خبر ورکوي.

د شبرغان ځیني اوسېدونکي له مسوولینو غواړي چې د ښار د یوازېني تفریحي ځای «ځنګل باغ» بیارغونې ته پاملرنه وکړي؛ ځکه په دغه پارک کې ځینې اسانتیاوې نشته او ونې یې د وچېدو په حال کې دي.