عبدالرحمن ژوندی

سيمه‌ییز مسوولین وایي، په ننګرهار ولایت کې له پاکستانه راستنو شوو ۸۲۰ کورنیو سره نغدي او د ژمنیو توکو وشوه او فراه کې پر سلو معیوبینو او معلولینو وېلچرونه ووېشل شول.

سیمه‌ییز مسوولین وایي، په ننګرهار ولایت کې له ۷۰۰ کورنیو سره د خوراکي او غیرخوراکي توکو او دغه راز په اروزګان او فراه ولایتونو کې له څه باندې ۱۴۰۰ کورنیو سره نغدې مرستې وشوې.

په فراه کې امنيتي مسوولین وایي، د دغه ولایت په جوین ولسوالۍ کې یې اووه تنه ایران ته د څارویو قاچاق په تور نیولي.

د فراه د اطلاعاتو او فرهنګ ریاست وایي، د دغه ولایت په مرکز او پشترود ولسوالۍ کې د ښځو په ګډون۲۰۰ کسان له بېلابېلو حرفوي زده‌کړو فارغ شول.

د فراه امنیه قومانداني وایي، د دغه ولایت د بالابلوک ولسوالۍ اړوند سیمه کې د یوې ترافیکي پېښې له امله یوه کس خپل ژوند له لاسه ورکړ.

د فراه امنیه قومانداني وایي چې د دغه ولایت بالابلوک ولسوالۍ په شیوان کلي کې د یوې مرمۍ چاودنې له امله دوه ماشومان ټپیان شوي دي.

د فراه په مرکز کې د ۳۵۰ زره امریکايي ډالرو په لګښت یوه ښوونځي ته د ودانۍ جوړولو چارې پیل شوې.

فراه کې حکومتي مسوولینو هغو کسانو ته چې ژورې څاګانې لري، خبرداری ورکړی، که له دې وروسته یې څوک اړوندو څاګانو ته ولوېږي، محکمې ته به یې کش کړي.

د فراه ګلستان، پرچمن او خاکسفېد ولسوالیو یو شمېر خلک وايي، دوی له فراه ښاره له ۲۵۰ تر ۳۸۰ کیلومتره لرې دي، نو په دغو ولسوالیو کې د برېښنايي تذکرو د وېش مرکزونو جوړېدو غوښتنه کوي.

په فراه کې امنيتي مسوولین وایي، د دغه ولایت په جوین ولسوالۍ کې یې هغه ۱۳ کسان نیولي چې غوښتل یې څه باندې ۳۰۰ پسونه او غوایي ایران ته قاچاق کړي.

سېمه‌ییز مسوولین وایي، په فراه کې له زرو کروندګرو سره  د غنمو د اصلاح شوي تخم او کیمیاوي سرې او بامیان کې له ۴۰۰ بې‌وزلو کورنیو سره د سون توکو مرستې وشوې

کونړ او فراه کې مسوولین وايي، په دغو ولایتونو کې له پاکستانه تازه راستنو شوو افغان کډوالو لپاره کمپونه جوړ شوي دي.