عبدالرحمن ژوندی

د فراه امنیتي مسوولین وایي، د دغه ولایت په فراه‌رود ولسوالۍ کې د دوه باروړونکو موټرو د ټکر له امله یو کس مړ او یو بل ټپي شوی دی.

د اطلاعاتو او فرهنګ وزارت سرپرست مولوي خیرالله خیرخوا فراه ولایت کې یوې ولسي غونډې ته ویلي چې دغه وزارت د رسنیو ملاتړ ته ژمن دی او د دولتي رسنیو په څېر دې خصوصي رسنیو ته هم سوداګریز اعلانات ورکړل شي.

ځایي مسوولین وایي چې سمنګان کې د څه باندې ۱۸ میلیون افغانیو په لګښت د درېیو چک‌ډیمونو او فراه کې د دوو استنادي دېوالونو چارې بشپړې او ګټې اخیستنې ته وسپارل شول.

د فراه د عامې روغتیا ریاست وايي چې سږ کال تر اوسه پورې د دغه ولایت په کچه له ترافیکي پېښو ملکي روغتون ته  ۱۳ مړي او څه باندې زر ټپیان ور وړل شوي خو د ترافیکو مدیریت د دغو پېښو لامل د ترافیکي قوانینو نه مراعات او د سړکونو خرابوالی یادوي.

فراه ولایت کې نن سهار نهه بجې د دغه ولایت شیخ ابوالنصر فراهي بندر ته پر لاره د ترافیکي پیښې له امله ۶ کسان مړه شوي دي.

فراه ولایت ته له نورو ولایتونو تللي کسان وايي، په فراه ښار کې د شپې تېرولو لپاره هیڅ هوټل او میلمستون نه دی جوړ شوی.

فراه کې سیمه‌ییز مسوولین وایي، په دغه ولایت کې د جګړو له امله بېځایه شوې ۲۵۴۳ کورنۍ چې کورونه یې بېرته ورته رغول شوي، خپلو سیمو ته ولېږدول شوې.

فراه کې امنیتي سرچینې وایي چې د دغه ولایت د لاش‌جوین ولسوالۍ کې یې یو کس داسې مهال نیولی چې اووه موټره غواګانې او پسونه یې ایران ته قاچاقول.

له پاکستانه فراه ته راستنې شوې یو شمېر کورنۍ وایي، د ژمي لپاره جامې او سون‌توکي نه لري خو بلخوا مسوولین بیا د هغوی دې ستونزې ته د ژر رسېدنې خبره کوي.

د فراه ولایت په پشترود ولسوالۍ کې د ۳۱۰ زره امریکايي ډالرو په لګښت د اوبو دوه سربندونه جوړ او ګټې اخیستنې ته وسپارل شول.

د فراه د کلیو بیارغونې او پراختیا ریاست وایي، د دغه ولایت په ګلستان ولسوالۍ کې د څه باندې ۳۱۶ زره امریکایي ډالرو په لګښت د بېلابېلو رغنیزو پروژو چارې پيل شوې.

د فراه د کرنې، اوبولګولو او مالدارۍ ریاست وایي چې په دغه ولایت کې تېر کال  له ۷۵ تر ۸۰ زره هکتاره ځمکه کرل شوې وه خو سږ کال دغه کچه د وچکالۍ له امله ۶۰ زره هکتارو ته راټیټه شوې ده.