پژواک

اقتصادي کمېسیون پرېکړه کړې چې د اوسپنې پټلۍ اداره دې له هرات څخه تر تورغونډۍ او اندخوی څخه تر مزارشریف پورې د اوسپنې پټلۍ شبکو کارونه بشپړ کړي.

د کابل امنیه قوماندانۍ وایي، د شپاړلسمې امنیتي حوزې اړوند، الوخیلو خان سېمه کې پر یوه مارسډیز موټر د چاودنې له امله درې کسان وژل شوي او څلور نور ټپیان دي.

سیمه‌ییز مسوولین وایي، په کونړ او فراه ولایتونو کې له ۷۰۰ کورنیو سره د خوراکي او غیرخوراکي توکو او په بامیان کې له ۱۵۰۰ کورنیو سره نغدي مرستې وشوې.

د اسلامي امارت ویاند وایي، نن په اسلام‌اباد کې د افغانستان – پاکستان د همغږۍ ګډې کمېټې شپږمه غونډه کړې او په دغه  ناسته کې به د دواړو هېوادونو ترمنځ د ډیورند کرښې په اوږدو کې د احتمالي منازعاتو د هواري او دواړو خواوو ته د پرتو ولسونو لپاره د اسانتیاوو په رامنځته کېدو خبرې وشي.

سیمه‌ییز مسوولین وایي چې په فراه او ارزوګان کې له څه باندې ۵۵۰ کورنیو سره نغدي او د ژمنیو توکو او پنجشېر کې له ۲۶۵ کورنیو سره د خوارکي او ژمنیو توکو مرستې وشوې.

د اسلامي امارت ویاند ذبیح الله مجاهد افغانستان کې د خبریالانو او رسنیو د وضیعت په اړه د خبریالانو مرکز کلنی راپور رد کړ او وایي، په رسنیو هېڅ ډول فشارونه نشته او په ازاد ډول فعالیت کوي.

د احصايې او معلوماتو ملي اداره وایي چې تېره میاشت یې د هېواد په ۳۴ ولایتونو کې د الکترونيکي تذکرو د وېش څانګو له لارې څه د پاسه ۴۰۰ زرو تنو هېوادوالو ته الکترونيکي تذکرې وېشلې دي.

تخار کې یوه ځوان د دغه ولایت په مرکز تالقان ښار کې د غالۍ‌اوبدنې یوه کارګاه جوړه کړې چې په کې ۴۰ ښځې پر کار بوختې دي.

سیمه‌ییز مسوولین وایي، په پکتیا ولایت کې د هنري چارو د لاغوړېدو په موخه نندارتون جوړ شو او په کې بېلابېل هنري اثار نندارې ته وړاندې شول.

سیمه‌‌‌ییز مسوولین وایي، په لوګر ولایت کې د کډوالۍ نړۍوال سازمان له لوري له ۳۷۲ کورنیو سره نغدي او د ژمنو توکو مرستې وشوې.

د پکتیا په مرکز ګردېز ښار کې د ناروې کمېټې له لوري د ۱۵۰ زره امریکایي ډالرو په لګښت د مور او ماشوم ځانګړی روغتیایي کلینیک پرانیستل شو.

سیمه‌ییز مسوولین وایي، په فراه، پروان او غور ولایتونو کې له څه باندې اووه زره کورنیو سره د خوراکي توکو او په غزني کې له دوه سوه بې‌سرپرسته کورنیو او معلولینو سره د خیاطۍ ماشینونو او زرنجو مرستې وشوې.