اسلامي امارت

د امربالمعروف، نهي عن‌المنکر او شکایتونو اورېدو وزارت سرپرست وایي، اسلامي امارت له نړۍ نور څه نه، یوازې دومره غواړي چې د دغه نظام په اړه دې ناسم قضاوت نه کوي او د هغه رښتينی انځور دې خلکو ته وړاندې کړي.

د افغانستان ا.ا رییس‌الوزراء، د چورلکې لوېدو پېښه کې د ایران د ولسمشر او ورسره کسانو پر مړینه خواشیني څرګنده کړې وایي چې ټول افغانان په دې دردناکه پيښه د زړه له تله خواشیني دي.

د ریاست‌الوزراء سیاسي مرستیال وايي، د هېواد هر وګړی کولای شي خپلې غوښتنې په زغرده له مسوولینو سره شریکې کړي او حکومت له توپیر پرته ټولو سیمو ته یو شان خدمات وړاندې کوي.

د افغانستان د بهرنیو چارو وزارت سرپرست وايي چې د نوو میکانیزمونو پر ځای باید د دوه اړخیزو میکانیزمونو له لارې له افغان حکومت سره پر ټولو اړوندو مسایلو خبرې اترې وشي.

د ریاست‌الوزرا اداري مرستیال وايي چې اسلامي امارت له ټولو امکاناتو سره د الکترونیکي حکومتولۍ پراختیا او بېلابېلو برخو کې له خوندي سافټویرونو د استفادې لپاره هلې ځلې کوي.

کابل کې د روسیې سفیر د ریاست‌الوزار سیاسي مرستیال ته د تاتارستان په کازان کې جوړېدونکې نړۍواله ناسته کې د ګډون بلنه ورکړه او وايي، د ا.ا او روسیې همکارۍ او تعامل د سیمې له ثبات سره مرسته کوي.

د اسلامي همکاریو سازمان د افغانستان له سرپرست حکومت سره پر تعامل د ټینګار ترڅنګ د دغه سازمان له غړو هېوادونو غوښتي چې د اسلامي پراختیايي بانک تر څارنې لاندې له افغانستان سره سخاوتنمندانه مرستې وکړي.

د افغانستان بهرنیو چارو وزارت وایي، د اسلامي امارت پلاوي د ګامبيا پلازمېنه بانجول کې د اسلامي همکارۍ سازمان په ۱۵مه سرمشريزه کې ګډون وکړ.

د ریاست‌الوزراء سیاسي مرستیال وايي، اسلامي امارت نه یوازې چې له عصري علومو سره مخالف نه دی، بلکې د عصري او دیني علومو طرفدار دی.

د امریکا د بهرنیو چارو وزارت او د افغانستان لپاره د دغه هېواد سفارت ویلي چې د افغانانو د ملاتړ او د خپلو ملي ګټو ساتنې په موخه له اسلامي امارت سره تعامل کوي.

د ریاست‌الوزرا سیاسي مرستیال د ننګرهار د مومندو له یو شمېر قومي مشرانو سره په لیدنه کې ویلي، ا.ا هېڅکله د حق په مقابل کې د قوم، ژبې او سمت طرفداري نه کوي او ټولو افغانانو ته د خپلو حقوقو د تامین طرفدار دی.

د ریاست‌الوزراء اقتصادي معاونیت وايي، اسلامي امارت د نړۍوال بانک د راپور هغه برخې چې مثبتې او پر واقعیتونو ولاړې دي، ستایي او هغه برخې چې له عیني واقعیتونو لرې دي ردوي.