افغانستان

اوچا اعلان کړی چې د روان میلادي کال له پیله تر ډسمبر میاشتې پورې یې د افغانستان لپاره نږدې ۸۵۹ میلیون ډالر مرسته ترلاسه کړې چې څه باندې دوه میلیارد نورو ډالرو ته هم اړتیا ده.

د ریاست‌الوزراء اقتصادي معاونیت د افغانستان د اقتصادي وضعیت په اړه د نړۍوال بانک موندنې له عیني واقعیتونو لرې بللې او ويلي یې دي، غوره ده چې نړۍواله ټولنه د حقایقو په واقعي درک سره له افغان حکومت سره مثبت تعامل ته مخه کړي.

د افغانستان په چارو کې د پاکستان پخوانی ځانګړی استازی صادق ‌خان د اصف دراني پر ځای د افغانستان لپاره د دغه هېواد ځانګړی استازی ټاکل شوی دی.

د اتریش د بهرنیو چارو وزارت اعلان کړی چې دغه هېواد له افغانانو سره د مرستې لپاره پنځه میلیونه یورو مرسته ځانګړې کړې ده.

د روسیې د بېړني حالت وزارت اعلان کړی چې د دغه هېواد ولسمشر ولادیمیر پوتین په سپارښتنه یې افغانستان ته د بشري مرستو پنځمه جوپه لېږلې ده.

د ریاست‌الوزراء اداري مرستیال د ازبکستان د سرخان‌دریا ولایت له چارواکو سره په لیدنه کې د دواړو هېوادونو ترمنځ د سوداګرۍ برخه کې د پراختیا په اړه خبرې کړې دي او په دغه هېواد کې یې له مېشتو افغان سوادګرو غوښتي څو افغانستان کې پانګونه وکړي.

د کرکټ له ۱۹ کلنو کم‌عمره لوبډلو د پنځوس اوریز اسیا جام سیالیو په لړ کې افغان لوبډلې خپله درېیمه او وروستۍ لوبه نیپال ته وبایله او په دغو سیالیو کې یې سفر پای ته ورسېد.

د ریاست‌الوزراء اداري مرستیال مولوي عبدالسلام حنفي د سمرقند له والي سره په لیدنه کې ویلي چې افغانستان ګډو مشترکاتو ته په پام هڅه کوي له ازبکستان سره خپلې اړیکې پراخې کړې.

د کرکټ له ۱۹ کلنو کم‌عمره لوبډلو پنځوس اووریزه اسیا جام سیالیو په لړ کې افغان لوبډله نن خپله درېیمه او وروستۍ لوبه له نیپال سره کوي.

د معلولینو نړۍوالې ورځې (د ډسمبر ۳مه) سره همهاله په کابل کې د سره صلیب روغتون رییس وایي چې په افغانستان کې هر کال د سره صلیب نړۍوالې کمېټې په اوو مرکزونو کې له ۱۶ تر ۱۸ زره پورې نوي معلولین ثبتیږي.

د ملګرو ملتونو امنیت شورا اعلان کړی چې په روانه میلادي میاشت کې به د افغانستان په تړاو غونډه جوړه کړي.

کابل کې د قطر سفارت سلاکار وايي، هېواد یې چمتو دی چې د دوه اړخيزه تړون په رڼا کې د افغانستان د ګڼو کلتوري او تاریخي ابداتو او مرکزونو په پیاوړتیا او جوړونه کې مهم رول ولري.