کابل (پژواک، ۱۹ سلواغه ۱۴۰۴): د ۲۰۲۶ کال د کرکټ شلاوریز نړۍوال جام سیالیو په لړ کې افغانستان خپله لومړۍ لوبه نن له نیوزلینډ سره ترسره کوي.
د افغانستان کرکټ بورډ ویلي، د کرکټ ملي لوبډله د شلاوریزه نړیوال سیالیو په لړ کې خپله لومړۍ لوبه نن له نیوزلینډ سره ترسره کوي.
د افغانستان او نیوزلینډ ترمنځ لوبه سهار لس بجې د هند په چینای ښار کې ترسره کېږي.
د ۲۰۲۶ کال د کرکټ شلاوریز نړۍوال جام سیالۍ پرون د هند او سریلانکا په کوربهتوب پیل شوې دي.
