دا راپور واورئ
۰:۰۰ / ۱:۰۰
کابل (پژواک) – د افغانستان د کرېکټ له ۱۹ کلنو کمعمره ملي لوبډلې د اسیا جام سیالیو په نیمه پایلوبه کې د هند لوبډلې پر وړاندې د اتو ویکټو په توپیر ماتې وخوړه او له سیالیو بهر شوه.
په دې سیالۍ کې چې نن ترسره شوه، د افغانستان لوبډلې لومړی توپوهنه وکړه او په ټاکل شوو ۵۰ اورونو کې یې د اتو لوبغاړو په سوځېدو ۲۲۷ منډې جوړې کړې.
افغان لوبډلې هند ته د ۲۲۸ منډو هدف وټاکه، خو د هند لوبډلې دغه هدف په ۳۷م اور کې یوازې د دوو لوبغاړو په سوځېدو پوره کړ.
د دې بریا په ترلاسه کولو سره د هند له ۱۹ کلنو کمعمره لوبډله د اسیا جام پایلوبې ته ووته، خو د افغانستان لوبډله له دغو سیالیو بهر شوه.
