د کندوز د امام صاحب ولسوالۍ د شېرخان بندر ځيني اوسېدونکي وایي، په امو سیند کې په پرلهپسې ډول د اوبو کچې پورته کېدو له امله د دوی کرنیزې ځمکې او کورونه ویجاړ شوي دي.
هلمند کې مسوولین وايي، پرون د دغه ولایت د موسیکلا ولسوالۍ په لنډۍ ناوې سیمه کې د اوبو یوه بند جوړولو چارې پيل شوې.
د کندهار د ارغستان ولسوالۍ په منګچر سیمه کې د ډنمارک کډوالو شورا/ DRC له لوري د ۹۰ زره امریکايي ډالرو په لګښت د اوبو زېرمه کولو یو چیکډیم جوړ او پرانیستل شو.
د هریرود سیند فرعي حوزې مسوولین وایي، د سلما بند د اوبو کچې د تشخیص او همداراز د څارنې او ساتنې چارې د ۹،۲ میلیون افغانیو په ارزښت پیل شوې.
د ننګرهار د کرنې رياست وایي، د دغه ولايت په اچین او غني خېلو ولسواليو کې د ۱۰ ميليون او ۷۰۰ زره افغانيو په لګښت د اوبو رسولو درې پروژې بشپړې شوې دي.
د فراه په بالابلوک ولسوالۍ کې نن د بشري مرستو همغږۍ موسسې (OCHR) له خوا د څه باندې ۲۰۰ زره امریکایي ډالرو په لګښت د څښاک پاکو اوبو پنځو شبکو د جوړېدو کار پيل شو.
د ننګرهار د کرنې او مالدارۍ رياست چارواکي وایي، د ملګرو ملتونو د پرمختيايي پروګرام په مالي ملاتړ يې د دغه ولايت په مومندرې ولسوالۍ کې د اوبو دوه کانالونه رغولي دي.
د کندوز ولایت د شېرخان بندر ښارګوټي اوسېدونکي د څښاک پاکو اوبو ته له نه لاسرسي شکايت کوي او زياتوي چې د امو سیند اوبه د واټرپمپونو او مرکب په وسیله راکاږي.
د زابل په مرکز کلات کې د پاکو اوبو رسولو یوه شبکه جوړه او ګټي اخیستنې ته وسپارل شوه.
ننګرهار کې د ملګرو ملتونو د پرمختيايي ادارې له لوري د نږدې ۱۰ ميليون افغانيو په لګښت د اوبو دوه کانالونه جوړ شول.
د بامیان ولایت مسوولین په دغه ولایت کې د ۱۵۲ زره امریکايي ډالرو په لګښت د اوبو رسولو د ۱۵ شبکو له جوړېدو خبر ورکوي.
د زابل په مرکز کلات کې د څښاک اوبو یوه شبکه جوړه شوه او د اروزګان په مرکز ترینکوټ، چورې او دهراود ولسوالیو کې، د څښاک اوبو د ورته ۸ شبکو جوړولو چارې پيل شوې.
