خیبر

د افغانستان پخواني ولسمشر حامد کرزي په خیبر کې د پښتنو قومي جرګه بریالۍ بللې، وایي چې دغه جرګه په سیمه کې د ستونزو هوارېدو لپاره اغېزناک ګام دی.

د خیبر جرګې پرېکړه کړې چې په دوو میاشتو کې دې د پاکستان پوځ او ټولې وسله‌والې ډلې د پښتونخوا له خاورې ووځي او د ډیورنډ پر کرښه دې د پخوا په څېر له پاسپورټ او ویزې پرته تګ راتګ پيل شي.

د راپورونو له مخې، په خیبر کې د پښتنو قومي جرګه د پښتون ژغورنې غورځنګ د مشر منظور پښتین په وینا پیل شوه.