سوداګرۍ

د صنعت او سوداګرۍ وزارت وايي، د تېر لمریز کال په اوږدو کې د افغانستان او ایران ترمنځ د سوداګرۍ کچه درې میلیارده او ۳۶۶ میلیون امریکايي ډالره وه.

د افغانستان د بهرنیو چارو وزارت سرپرست د پاکستان له ځانګړي استازي سره په لیدنه کې ویلي چې په ترانزیټي لارو او تجارتي برخو کې خنډونه د هيڅ لوري په ګټه نه دي او په کار ده چې مسایل یو له یو بل سره ونه تړل شي.

د صنعت او سوداګرۍ وزارت سرپرست د ازبکستان هېواد د دولتي او خصوصي سکتور له راغلي ګډ سوداګریز پلاوي سره په لېدنه کې، د دواړو هېوادو تر مینځ د ترسره شویو هوکړو په اړه د لازیاتې همغږۍ د رامینځ ته کېدو او د سوداګرۍ کچې د پراختیا په اړه خبرې کړي دي.

د ریاست‌الوزراء اداري مرستیال د ازبکستان د سرخان‌دریا ولایت له چارواکو سره په لیدنه کې د دواړو هېوادونو ترمنځ د سوداګرۍ برخه کې د پراختیا په اړه خبرې کړې دي او په دغه هېواد کې یې له مېشتو افغان سوادګرو غوښتي څو افغانستان کې پانګونه وکړي.

د اسلامي امارت د مشرتابه په یوه فرمان کې اړوندو ادارو ته سپارښتنه شوې چې په بندرونو، عبوري نقطو او لویو لارو کې د سوداګرۍ لپاره لازمې اسانتیاوې برابرې کړي.

د صنعت او سوداګرۍ وزارت وایي چې د روان میلادي کال په تېرو نهو میاشتو کې له ایران سره د سوداګرۍ کچه څه باندې دوه میلیارد امریکايي ډالرو ته رسېدلې ده.

د اذربایجان د لومړي وزیر مرستیال ویلي چې هېواد یې چمتو دی له افغانستان او سیمې له هېوادونو سره د خپلو سوداګریزو اړیکو پراخولو په موخه د لاجوردو لاره بېرته فعاله کړي.

د صنعت او سوداګرۍ وزارت وايي، په تېر کال کې د افغانستان د سوداګرۍ حجم کابو لس میلیارد ډالرو ته رسېدلی چې له دې جملې څه باندې اته میلیارد ډالر یې واردات او ۱،۸ میلیارد ډالر یې صادرات دي.

قزاقستان د ترکمنستان له لارې د یوې بدیلې لارې پر جوړولو کار کوي څو له افغانستان سره یې سوداګري له یو میلیارد ډالرو څخه درې میلیارد ډالرو ته لوړه کړي.

د افغانستان د ریاست‌الوزراء اقتصادي مرستیال او په کابل کې د ایران سفیر په بېلابېلو برخو کې د دواړو هېوادونو د اړیکو پر پراختیا او د ایران له لارې د افغانستان د سوداګرۍ او ټرانزیټ کچې پر زیاتېدو ټینګار کړی دی.

قزاقستان د لومړي وزیر مرستیال د ریاست‌الوزراء له اقتصادي مرستیال سره په لیدنه کې د افغانستان په مختلفو برخو کې د کار کولو ژمنه کړې او ویلي چې له افغانستان سره د سوداګرۍ زیاتولو لپاره یوه ګډه‌خونه رامنځته کوي.

د خوست غلام خان لار چې له کوزې پښتونخوا او پاکستان سره دویمه نږدې ترانزيټي لار بلل کېږي، په دې وروستيو کې پرې سوداګري پنځوس سلنه کمه شوې ده.