سیالۍ

د غزني د ورزش او بدني روزنې امریت له لوري په دغه ولایت کې د والیبال دوولسو لوبډلو ترمنځ ژمنۍ سیالۍ پیل شوې چې شل ورځې به دوام ولري.

کرکټ بورډ وایي چې د افغانستان، سوېلي افریقا او هند له ۱۹ کلنو د کم‌عمره کرکټ لوبډلو ترمنځ د روانې ډسمبر میاشتې په ۲۹مه درې اړخیزو سیالیو لوبلړۍ پیلېږي.

د افغانستان کرکټ بورډ وایي چې د هېواد د زونونو په کچه له ۱۶ کلنو د کم‌عمره لوبغاړو ترمنځ د کرکټ یو ورځنۍ سیالۍ نن پیل شوې.

د لوګر د بدني روزنې او ورزش امریت وایي چې په دغه ولایت کې د څلورو ولایتونو د دېرشو لوبډلو ترمنځ د والیبال سیالۍ پيل شوې.

د کرکټ لس اووریزې سیالۍ د ۱۳ افغان لوبغاړو په ګډون سبا په متحده عربي اماراتو کې پیلېږي.

د لوګر د بدنې روزنې او ورزش امریت چارواکي وایي چې د لومړي ځل لپاره د دغه ولایت په ازره ولسوالۍ کې د لسګونو لوبغاړو ترمنځ د تېږې‌اچونې رسمي سیالۍ ترسره شوې.

د لوګر د بدني روزنې او ورزش امریت وایي، د دغه ولایت په محمداغه ولسوالۍ کې د مرکز پل‌علم او ولسوالیو شاوخوا ۴۰ غوره لوبغاړو ترمنځ د موتای ورزش درې ورځنۍ سیالۍ ترسره شوې.

بامیان کې ورزشي مسوولین وایي، د موی‌ټای سیالۍ چې د «خزاني جام» تر نوم لاندې د درېیو ولایتونو لوبغاړو ترمنځ پيل شوې وې، د بامیان ورزشکارانو په اتلولۍ پای ته ورسېدې.

د نړۍوال جام سیالیو په لړ کې نن د اسټرالیا او سوېلي افریقا ترمنځ دویمه نیمه پایلوبه ترسره کېږي.

د کورني کرکټ څانګې له لوري بغلان کې د شپږ غوره لوبډلو ترمنځ پيل شوې لس اووریزې سیالۍ نن د «پښتون زلمي» لوبډلې په اتلولۍ پای ته ورسېدې.

د افغانستان د تکواندو فدراسیون وایي چې د محسن رضایي او علي اکبر په نومونو دوو افغان ورزشکارانو د پاکستان په کوربه‌توب د تکواندو ازادو اسیایي سیالیو کې د سرو زرو مډوالونه ترلاسه کړي دي.

دایکنډي کې د فوټسال ۱۷ کلنو خزاني جام سیالۍ چې نږدې یوه میاشت مخکې د دغه ولایت په مرکز نیلي کې پيل شوې وې، پرون د «توفان مرکز» لوبډلې په اتلولۍ پای ته ورسېدې.