<p style="text-align: justify;">نیلي (پژواک، ۱۳ لړم ۱۴۰۲): دایکنډي کې د فوټسال ۱۷ کلنو خزاني جام سیالۍ چې نږدې یوه میاشت مخکې د دغه ولایت په مرکز نیلي کې پيل شوې وې، پرون د «توفان مرکز» لوبډلې په اتلولۍ پای ته ورسېدې.</p>
<p style="text-align: justify;">د یادو سیالیو په وروستي پړاو کې د توفان مرکز او ارمان شهید صادقي لوبډلو له یو بل سره سیالي وکړه چې په پایله کې یې ارمان شهید لوبډلې ته پنځه پر<img class="alignleft wp-image-574740 " src="https://pajhwok.com/wp-content/uploads/2023/11/فوتسال-در-دایکندی-2.jpg" alt="" width="317" height="212" /> یو ماته ورکړه.</p>
<p style="text-align: justify;">یادې سیالۍ د دایکنډي د ورزش او بدني روزنې امریت له خوا پیل شوې وې.</p>
<p style="text-align: justify;">د دایکنډي د ورزش او بدني روزنې امر ناصر حقیقت وايي چې دغه سیالۍ د ۱۷ کلنو ځوانانو ترمنځ د سالمو ورزشي سیالیو او د فوټسال د ودې او پیاوړتیا په موخه پیل شوې وې.</p>
<p style="text-align: justify;">هغه زیاته کړه، په یادو سیالیو کې چې نږدې یوه میاشت مخکې پیل شوې وې، د ولایت په کچه ۲۷ لوبډلو ګډون کړی و.</p>
<p style="text-align: justify;">د دایکنډي د ورزش او بدني روزنې امر زیاته کړه، دغه اداره به په دایکنډي کې د ورزش پیاوړي کولو برخه کې لا ډېرې هڅې وکړي.</p>
