غصب

د کندوز ځایي سرچینو په دغه ولایت کې د تېر کال په ترڅ کې د ۲۰ زره جریب غصب شوې دولتي ځمکې د تثبیت خبر ورکړی او وایي چې په دې موده کې څه باندې ۱۴ زره جریب ځمکه له غصبه راګرځول شوې ده.

د ننګرهار د کرنې رياست وايي چې د ځمکو له غصب د مخنيوي تخنيکي پلاوي په همکارۍ يې د دغه ولایت په سره‌رود ولسوالۍ کې ۸۰۰ جریب غصب شوې ځمکه را ګرځولې.

د افغانستان د عدلیې وزارت وايي، د ځمکو د غصب مخنیوي کمېسیون په تېره یوه میاشت کې په شپږو ولایتونو کې څه باندې ۲۰ زره جریب غصب شوې ځمکه راګرځولې ده.

بلخ کې حکومتي مسوولین وايي چې د دغه ولایت د نهرشاهي ولسوالۍ په افغانیه ښارګوټي کې یې څه باندې ۱۲ زره جریب دولتي ځمکه له غصبه راګرځولې ده.

د مالیې وزارت وايي چې د دغه وزارت د دولتي املاکو لوی ریاست له لوري د کابل د بګرامیو ولسوالۍ نساجي فابریکې ته مخامخ له ۳۲۵ جریبه غصب شوې ځمکې څخه ۵۰ جریبه یې بېرته راوګرځول شوه او د پاتې ځمکې په بېرته راګرځولو کار روان دی.

د عدليې وزارت وايي چې د ځمکو د غصب مخنيوي او د غصب شوو ځمکو د استرداد کمېسیون په کابل ښار او ولسواليو کې څه باندې ۵۵ زره جریب امارتي ځمکه له «غاصبانو» راګرځولې او اړوندو ادارو ته يې سپارلې ده.

د غزني ولایت یو شمېر اهل هنود او سیکان ادعا کوي چې د تېرو کورنيو جګړو پر مهال یې ځمکې او نور ملکیتونه غصب شوي او ټینګار کوي چې بېرته دې ورته وسپارل شي.

د کندوز د کرنې ریاست وايي، په تېر یوه کال کې د ځمکو د غصب مخنیوي کمېسیون د دغه ولایت په یو شمېر سیمو کې ۱۱۰ زره جریب غصب شوې ځمکه بېرته راګرځولې ده.

کندهار کې د ځمکو د غصب مخنیوي کمېسیون مسوولین وايي، په تېر یونیم کال کې یې ۶۵ زره جریب غصب شوې ځمکه بېرته راګرځولې ده.

د هند بهرنیو چارو وزارت، په افغانستان کې د هندوانو او سیکانو د غصب شوو ځکو د بېرته را ګرځولو په اړه د افغانستان عدلیې وزارت پرېکړه مثبت بدلون بللی دی.

د عدليې وزارت وايي، د ځمکو د غصب مخنیوي کمېسیون د کابل ښار اتمي حوزې اړوند میرویس ښارګوټي کې څه باندې ۱۰۰ جریب امارتي (سلطاني) ځمکه استرداد کړه.

د اروزګان ځایي مسوولین وایي، په تېرو دوو کلونو کې یې په دغه ولایت کې ۴۰ زره جریب غصب شوې دولتي ځمکه تشخیص کړې چې تر اوسه یې یوازې نهه زره جریب راګرځولې ده.