غصب

په ننګرهار کې د غصب شوو ځمکو د بېرته راګرځولو کمېسيون فعاليت پيل کړ؛ مسوولين وايي چې په دغه ولايت کې ټولې غصب شوې ځمکې به بېرته راوګرځول شي.

د بغلان حکومتي مسوولین وايي، په دغه ولایت کې په تېرو ٢٠ کلونو کې ۲۷زره  ۹۸۴ جریب دولتي ځمکې غصب شوې چې د بېرته راګرځولو لپاره یې هلې‌ځلې روانې دي.

په کندوز کې د غصب شوو ځمکو بېرته راګرځولو کمېسیون رییس وایي، په دغه ولایت کې ۱۴۶زره جریبه دولتي ځمکې غصب او تر اوسه سلګونه جريبه یې بېرته راګرځول شوې دي.

په غزني کې د دولتي ځمکو د غصب مخنیوي کمېټې په یوه تازه ګام کې د دغه ولایت په مرکز کې پر غصب شوو دولتي ځمکو د جوړ شوو هټیو، پټرول پمپونو، کورونو او نورو ودانیو نړولو لړۍ پیل کړه.

د ټولګټو وزارت وایي چې په کابل کې يې ۱۳۵ جریبه دولتي ځمکه له غاصبینو بېرته راګرځولې ده.

د زابل چارواکي وايي، د دولتي ځمکو د غصب د مخنیوي په موخه یې کمپاین پیل کړی او په دغه لړ کې یې په مرکز کلات کې د کډوالو ښارګوټي اړوند ۵۰۰ جریبه ځمکه له غصبه خلاصه کړې ده.

د فراه د اطلاعاتو او کلتور رياست وايي چې په دغه ولایت کې ۴۰۰جریبه ځمکه له غاصبینو څخه خلاصه شوې ده.

د لغمان مرستیال والي وايي چې د دغه ولایت د مرکز اړوند د بابا صاحب دښته کې يې د کډوالو د يوه ښارګوټي سل جریبه ځمکه له غاصبینو خلاصه کړې ده.

کابل ښاروالۍ د کابل ښار په شپاړسمه ناحیه کې د ۱۶۰ جریبه دولتي ځمکې د غصب مخنیوی کړی دی.

د زابل د عدلیې ریاست وايي، په دغه ولایت کې یې له غصبه د دولتي ځمکو د خلاصون لړۍ پيل کړې چې تر دې مهاله په مرکز کلات او ولسوالیو کې ۳۵۰۰ جریبه ځمکه له غصبه خلاصه شوې او په تړاو یې ۱۵ کسان نیول شوي دي.