غور

د کانونو او پټرولیم وزارت وايي، د غور د شهرک ولسوالۍ د سرب او جستو کان د درېیم بلاک د استخراج تړون د ۲۴۷،۴ ميليون ډالرو په ارزښت له یوه داخلي شرکت سره لاسلیک شو.

د غور امنیتي مسوولین وایي چې درې کسان یې د دغه ولایت ساغر ولسوالۍ کې د کمیابو مرغانو د ښکار په تور نیولي دي.

د غور امنیه قومانداني وايي چې د دغه ولایت د مرکز فېروزکوه ښار په مربوطاتو کې د ګاز ډبې چاودنې له امله د ښځو او ماشومانو په ګډون د یوې کورنۍ شپږ غړي ټپيان شوي دي.

د غور روغتیايي مسوولین تېرو نهو میاشتو کې دغه ولایت کې پر خوارځواکۍ د اخته ۷۰۰ ماشومانو له ثبتېدو خبر ورکوي او وايي چې په همدې موده کې د دې ناروغۍ له امله ۲۲ ماشومان مړه شوي دي.

د غور ځایي مسوولین وایي چې د دغه ولایت په چهارسدې ولسوالۍ کې یې درې تنه د تاریخي سیمو د کیندنې او درې نور د دغه ولایت په شهرک ولسوالۍ کې د نشه‌یي توکو قاچاق په تور نیولي دي.

غور کې پر نشه‌يي توکو روږدې یو شمېر ښځې وايي چې له دوی سره د ډېری خلکو چلند سم نه دی؛ سپکاوی ورته کېږي او ځینو مواردو کې ان فزیکي تاوتریخوالی ورسره کېږي.

د غور امنیتي چارواکي وايي چې د دغه ولایت په شهرک ولسوالۍ کې اته ښکاریان د وحشي ژوو او مرغانو د ښکار پر مهال نیول شوي دي.

غور کې سیمه‌ییز مسوولین وايي، د دغه ولایت په تیوره ولسوالۍ یو کس د خپلې انا د وژلو په تور نیول شوی دی.

د غور امنیه قومانداني وايي چې دغه ولایت کې د یوې سراچې چپه کېدو له امله دوه کسان مړه شوي او درې نور ټپیان دي.

سیمه‌ییز مسوولین وایي، په غور ولایت کې له څه باندې ۲۷۰۰ کورنیو سره د خوراکي توکو او په اروزګان ولایت کې له زرو مالدارانو سره د حیواني خوړو مرسته وشوه.

د غور ځایي مسوولین وايي، د دغه ولایت چارسدې ولسوالي کې د خلکو له خوا د څه باندې درې میلیون افغانیو په لګښت یو جامع جومات جوړ او ګټې اخیستنې ته وسپارل شو.

د غور د چاپېریال ساتنې ادارې سرپرست د دغه ولایت له اوسېدونکو غواړي چې د ناپاکې هوا د ډېرېدو مخنیوي په موخه ژمي کې د خپلو کورونو ګرمولو لپاره له دود تولیدوونکو سون توکو استفاده ونه کړي.