فابریکې

د کانونو او پټرولیم وزارت وایي چې یوه قرغیزستاني شرکت په هېواد کې د زرمینځنې او میدان‌وردګو کې د جستو پروسس یوې فابریکې جوړولو برخو کې پانګونې ته لېوالتیا ښودلې ده.

په هرات ولایت کې د ۱۸ میلیونه امریکایي ډالرو په پانګونې د «کابل فولاد» اوسپنې ویلې کولو فابریکې د دویم فاز جوړولو چارې پرانیستل شوې.

د فراه د سوداګرۍ او صنعت ریاست وايي چې په دغه ولایت کې د برېښنا کموالي له امله ۱۵ فابریکې له تولیداتو پاتې دي او یو شمېر کسان هم ورسره وزګاره شوي دي.

د ننګرهار د صنعت او سوداګرۍ رياست وايي، په دغه ولايت کې د سوداګرۍ، پانګونې او صنعت کچې د تېر په پرتله وده کړې او په روان کال کې شلو نوو توليدي فابريکو فعاليت پيل کړی دی.

د برېښنا ریاست وایي چې د نغلو د برېښنا تولید فابریکې دویم ټوربین له اساسي رغونې وروسته بېرته فعال کړی او د دغه ټوربین برېښنا یې له شبکې سره وصل کړې ده.

بلخ ولایت کې د یو میلیون ډالرو په لګښت د نباتي غوړیو تصفیې او پروسس د یوې فابریکې جوړېدو چارې پیل شوې.

کندهار کې د روب‌جوړولو فابریکې مسوولین وايي، ورځنی تولید يې سل ټنو ته رسولی خو حکومت دې له بهره پر واردېدونکي روب تعرفه لوړه کړي.

په بلخ ولایت کې د پنبې او نباتي غوړیو دولتي فابریکې له دوو لسیزو وروسته يو ځل بيا فعاليت پيل کړ او په ۲۴ ساعتونو کې شپږ ټنه غوړي تولیدوي.

د کندهار سیمه‌ییز مسوولین وایي، په دغه ولایت کې د شیريني د تولید شاوخوا ۸۰ وړې فابريکې په بازار کې د خپلو تولیداتو د ټيټې بیې له امله غیرفعالې شوې دي.

د ننګرهار کانال رياست وايي، د زيتونو پروسس فابريکې وروسته له درېیو لسيزو يو ځل بيا د صابون، رُب او چکني توليدات پيل کړل.

د کانونو او پټرولیم وزارت وایي، د هېواد په پنځو ولایتونو کې د سمنټو د تولید پنځه لویې فابریکې جوړیږي چې ورسره به افغانستان د سمنټو له پلوه پر خپل ځان بسیا شي.

د کندهار مسوولین وايي، د دغه ولایت په صنعتي پارک کې د فعالو فابریکو شمېر ۳۰۰ ته رسېدلی چې بېلابېل توکي تولیدوي.