هېواد

د ریاست‌الوزرا اقتصادي معاونیت وايي چې د اقتصادي کمېسیون د تخنیکي کمېټې په نوبتي غونډه کې د کبانو روزنې سکټور د پراختیا طرحه د تایید وړ وبلل شوه چې له مخې به یې په هېواد کې د کبانو روزنې اووه زره او ۷۰۰ نوي فارمونه جوړ شي.

د کډوالو او راستنېدونکو چارو وزارت سرپرست وايي، په جبري توګه د ډېر شمېر کډوالو راستنېدنې د هېواد پر اقتصادي او ټولنیز حالت اغېز کړی او باید د کارموندنې په موخه د راستنو شوو له مهارتونو او زده‌کړو ګټه پورته شي.

یو شمېر ډاکټران په داسې حال کې په ماشومانو کې د شري ناروغۍ ډېرېدو خبره کوي چې د عامې روغتیا وزارت د روان ميلادي کال په شپږو میاشتو کې د هېواد په کچه د دې ناروغۍ د څلور زره شکمنو پېښو له ثبتېدو خبر ورکوي.

د افغانستان د پوهنې وزارت اعلان کړی چې له ایران او نورو ګاونډیو هېوادونو د راستنو شوو کډوالو اولادونه به د هېواد ښوونیزو بنسټونو کې جذب شي.

د مالیې وزارت وايي چې د روان لمریز کال په غبرګولي میاشت کې د هېواد له ځینو ګمرکونو ۱۶۵ ټانکره بې‌کیفیته وارداتي تېل بېرته ګرځول شوي دي.

د ملګرو ملتونو د ماشومانو د ملاتړ صندوق (یونیسف) وایي چې په جون میاشت کې له ایرانه څه باندې ۱۶۰ زره افغان کډوال د هرات د اسلام‌کلا بندر له لارې خپل هېواد ته ستانه شوي دي.

د پوهنې وزارت د یوې اعلامیې په خپرولو اعلان کړی چې د هوا د ډېرې ګرمېدو له امله د هېواد د سړو سیمو ټول ښوونځي د چنګاښ له ۱۱مې بیا تر ۱۵مې رخصت دي او د چنګاښ له ۱۶مې نېټې څلورنیم‌میاشتنۍ ازموینې پيلېږي.

د افغانستان د ازادو سیالیو لوبغاړی احمدولي هوتک له خپلې وروستۍ بریا وروسته نن بېرته هېواد ته راستون شو.

د ریاست‌الوزرا اقتصادي معاونیت وایي، په هېواد کې شاوخوا ۶۰۰۰ صنعتي فابریکې په رسمي ډول فعالې دي چې پر مټ یې اوس‌مهال افغانستان په ۱۳۰ برخو کې په بشپړ او په سلو کې په نیمه ډول ځان بسیاینې ته رسېدلی دی.

د ترانسپورټ او هوايي چلند وزارت، نن او سبا د هېواد په شلو ولایتونو کې د سخت ورښت، تالندې او برېښنا او سېلابونو راوتو خبرداری ورکړی دی.

مسوولین وایي چې په تېرو نږدې څلورو کلونو کې د هېواد په کچه د جرګو او مرکو له لارې ۲۶۵۰ شخړې او دښمنۍ هوارې شوې، بلخوا شنونکي دا چاره د ټولنیز ثبات رامنځته کېدو او د خلکو ترمنځ د کرکې د له منځه تلو لپاره مهم ګام بولي.

د مالیې وزارت وایي، په تېره غویي میاشت کې د هېواد له یو شمیر ګمرکونو څخه ۱۸۴ ټانکړه واردېدونکي بې‌کیفیته نفتي توکي بېرته ګرځول شوي دي.