واکسین

له پولیو سره د مبارزې د کمپاین دفتر وايي چې سبا په افغانستان کې د ګوزڼ (پولیو) واکسین کمپیاین پیلېږي.

د عامې روغتیا وزارت په ۱۶ ولایتونو کې د ماشومانو ګوزڼ (پولیو) ضد واکسین د درې ورځني فرعي کمپاین د پیل خبر ورکوي چې په ترڅ کې به یې ۶،۳ میلیون ماشومان واکسین شي.

یو شمېر نجونې او ښځې په داسې حال کې د ځینو دلایلو له امله د ټیټانوس ناروغۍ واکسین نه کوي چې ډاکټران د دغه واکسین پر تطبیق ټینګار کوي او وايي، دغه ناروغي په ځینو مواردو کې د شخص د مړینې لامل کېدای شي.

د هلمند د کرنې او مالدارۍ ریاست مسوولین وايي، په دغه ولایت کې یې د ملګرو ملتونو د کرنې او خوړو سازمان په مالي مرسته څه باندې سل زره څارویو ته د واکسین د تطبیق پروسه پیل کړې ده.

د افغانستان د عامې روغتیا وزارت سږ مېلادي کال په هېواد کې د شري ناروغي د شکمنو پېښو له ډېرېدو خبر ورکوي، بلخوا، ډاکټران دغه ناروغي مرګونې بولي او له کورنیو غواړي څو خپلو ماشومانو ته د دې ناروغۍ د واکسین تطبیق برخه کې پام وکړي.

هلمند کې مسوولین وایي چې د دغه ولایت د مرکز په ګډون ۱۳ ولسوالیو کې د «لمپي‌سکین» ناروغۍ ضد واکسین د تطبیق کمپاین پیل شو.

د کندهار د کرنې او مالدارۍ ریاست مسوولین وایي، د دغه ولایت په لسو ولسوالیو او د ښار ۱۵ ناحیو کې به ۵۵ زره غواګانو ته د لمپي‌سکېن ناروغۍ واکسین تطبیق کړي.

د افغانستان د عامې روغتیا وزارت وايي چې نن د هېواد په پنځو ولایتونو کې د ماشومانو د پولیو یا ګوزڼ ضد واکسین څلور ورځنی کمپاین پیل شو.

د عامې روغتیا سرپرست وزیر وایي چې دمګړۍ په هېواد کې د لسو ناروغیو وقایې لپاره ۱۳ ډوله واکسین موجود دي چې د ۳۰۴۹ روغتیایي مرکزونو له لارې میندو او له یو کال کم‌عمره ماشومانو ته په وړیا ډول تطبیقیږي.

کامرون کې یوې نجلۍ ته د ملاریا لومړني واکسین له تزریق کېدو وروسته د هېواد عامې روغتیا وزارت وايي چې د دغه واکسین موثرتوب په صورت کې به هڅه وکړي څو دغه واکسین له مرسته‌کوونکو ترلاسه کړي.

د عامې روغتیا وزارت وړاندې شوو شمېرو له مخې، د سږ کال په لومړیو شپږو میاشتو کې د تېر کال د ورته مودې په نسبت د لېوني سپيانو داړلو پېښې څه باندې ۱۴ سلنه ډېرې شوې، خو دغه وزارت د دې ناروغۍ اړتیا وړ ۷۰ سلنه واکسین په واک کې نه لري.‎

ډاکټرا وايي، شری یوه ساري ناروغي ده او کورنۍ باید خپل ماشومان د دې ناروغۍ پر وړاندې واکسین کړي، روغتیا او چاپېریال ساتنې ته پام وکړي او پر دې ناروغۍ اخته کسان دې ژر ژره روغتون ته ورسوي.