پروان

د پروان امنیه قومانداني وايي چې په دغه ولایت کې د یوې ترافیکي پېښې له امله دوه کسان مړه او درې نور ټپيان شوي دي.

د پروان امنیه قومانداني وایي، هغه کس یې نیولی چې د یوې کورنۍ د شخصي عکسونو خپرولو په ګواښ یې له هغې د سل زره افغانیو غوښتنه کوله.

د پروان امنیې قوماندانۍ د درېیو هغو غولوونکو د نیول کېدو خبر ورکوي چې له جعلي ګاڼو او دروغو ژمنو په ګټې اخیستنې یې له لسګونو کورنیو سلګونه زره افغانۍ غلا کړې دي.

د عامې روغتيا وزارت وايي چې په پروان کې پر «حادو اسهالاتو» اخته ناروغانو ته پر وخت رسېدنه شوې، ځیني ناروغان د کابل انتاني روغتون ته رالېږدول شوي او په سيمه کې د اوبو نمونې اخیستل شوې دي.

د پروان امنیه قومانداني وایي، په دغه ولایت کې د درېیو ترافیکي پېښو له امله یو تن مړ شوی او ۱۹ نور ټپیان دي.

د پروان ولایت د شینوارو ولسوالۍ په کفشان دره کې شاوخوا ۵۰۰ کسان پر یوې «ناپېژندل» شوې ساري ناروغۍ اخته شوي چې له امله یې دوه کسان مړه شوي هم دي.

د پروان ځايي مسوولین وايي، د دغه ولایت په سالنګ ولسوالۍ کې د دوه سوه زره امریکايي ډالرو په لګښت د شپږ کیلومتره سړک جوړولو چارې بشپړې او ګټې اخیستنې ته وسپارل شو.

پروان کې د طبیعي پېښو پر وړاندې د مبارزې او چمتووالي ریاست وايي، په دغه ولایت کې د وروستیو سېلابونو له امله ۴۰ استوګنیز کورونه، ۶۵۶ جریب کرنیزه ځمکه، یو کیلومتر سړک او پنځه سربندونه او کانالونه ویجاړ شوي دي.

د پروان امنیه قومانداني وایي، پولیسو د دغه ولایت په جبل‌السراج ولسوالۍ کې د عملیاتو پر مهال، یوه دهشکه، یو زیکویک، دوه میله سپکې وسلې او یوه اندازه مهمات نیولي دي.

د پروان امنیه قومانداني وایي، په دغه ولایت کې یې د انسان تښتوونکو هغه درې کسیزه ډله نیولې چې له هېواده بهر به یې د هېوادوالو د تښتولو او شکنجه کولو له لارې د هغوی له کورنیو څخه د پیسو غوښتنه کوله.

د پروان ولایت امنیه قومانداني وایي، د چاریکار ښار په بېلابېلو سیمو کې ۹۰۰ امنیتي کامرې نصب او له مرکزي څارخونې سره وصل شوې.

د پروان امنیه قومانداني وایي، د دغه ولایت په مرکز چاریکار ښار کې د ترافیکي پېښې له امله درېیو کسانو خپل ژوند له لاسه ورکړی او شپږ تنه نور ټپیان شوي دي.