پروان

. . .

د پروان د پوهنې ریاست مسوولین وايي، په دغه ولایت کې د  ۱۳۸۸ ښځو په ګډون،  ۲۹۶۴ کسان له یو کلن سواد زده‌کړې کورسونو څخه فارغ شوي دي.

په پروان کې د چرګانو ځينو فارم‌لرونکو له ولایتي مسوولینو سره په ناسته کې د خپلو محصولاتو خرڅلاو لپاره د بازار له نشتوالي او هېواد ته په قاچاقي ډول د چرګانو واردولو څخه شکایت وکړ.

د پروان د عامې روغتیا ریاست او سل بستریز تخصصي روغتون په همکارۍ، د دغه ولایت په پوهنتون کې یو روغتیايي کلینیک جوړ شوی دی.

د پروان ولایت یو شمېر مالداران د څارویو یو ډول ویروس خپرېدو په اړه چې د دوی د څارویو د له منځه تلو لامل شوی، اندېښمن دي او له چارواکو یې د پاملرنې غوښتنه کړې ده.

د نورستان او پروان چارواکي وايي، په دغو ولايتونو کې د کولرا له امله اته کسان مړه او لسګونه نور پر دغې ناروغۍ اخته شوي دي.

د پروان امنیه قومانداني وایي، د دغه ولایت د جبل‌السراج ولسوالۍ امنیتي کسان د کمین لپاره یوې سیمې ته روان وو چې د لویې لارې امنیتي کسانو له کمین سره مخ شوي او د نه همغږۍ له امله دوو کسانو په کې خپل ژوند له لاسه ورکړ.

د پروان ولایت امنیه قومانداني، د دغه ولایت په بګرام ولسوالۍ کې د انسان‌تښتونې او وسله‌و‌الو غلاوو په تور د څلورو کسانو له نیولو خبر ورکوي.

د پروان امنیه قومانداني وایي، د دغه ولایت په بګرام ولسوالۍ کې د یوه «رواني ناروغ» په ډزو کې دوو کسانو – چې یو یې امنیتي کس و- ژوند بایللی او دوه نور امنیتي کسان ټپیان شوي دي.

د پروان ولایت سیمه‌ییزې سرچینې وايي، د دغه ولایت په دوو ولسوالیو کې د تېرې ورځې سېلابونو له امله ۳۱ کسان مړه او ۱۵ ټپیان شوي او تر ۲۰۰ ډېر د استوګنې کورونه ویجاړ شوي دي.

د پروان ولایت ښوونکي شکایت لري چې د عزیزي بانک له لارې د دوی میاشتنۍ تنخوا ورکول ستونزمن شوی او ډېر وخت نیسي؛ هغوی یې له ستونزو سره مخ کړي او کومې ورځې چې معاشونو پسې بانک ته ورځي نو زده‌کوونکي هم له درسونو پاتې کېږي.

د پــروان ولایت امنیې قومانداني وایي، امنیتي ځواکونو د دغه ولایت په سیاګرد ولسوالۍ کې درې «وسله‌وال غله»-  چي یو صراف یې تر تښتولو وروسته وژلی و – نیولي دي.