ښځو

دوولسو هېوادونو او اروپایي ټولنې د نادولتي موسسو ښځینه کارکوونکو د کار ځنډېدو په تړاو د افغانستان سرپرست حکومت پر وروستۍ پرېکړه اندېښنه څرګنده او پر دې پرېکړه یې د بیاکتنې غوښتنه کړې ده.

د کانونو او پټرولیم وزارت سرپرست شیخ شهاب‌الدین دلاور وايي، دیني عالمانو هڅې پیل کړې چې له شریعت او افغاني عنعناتو سره سم ښځو ته په غیردولتي بنسټونو کې د کار کولو لار پیدا کړي.

متحده عربي اماراتو او بحرین، افغانستان کې په غیردولتي موسسو کې د ښځینه کارکوونکو د کار ځنډولو پر پرېکړې نیوکې کړې وایي، دغه کار به په افغانستان کې د بشري مرستو رسولو چارې اغېزمنې کړي.

د ملګرو ملتونو د وګړو وجهي صندوق د افغانستان له سرپرست حکومته غوښتي چې د ښځو د کار کولو د ځنډولو پرېکړه دې بېرته واخلي.

په کابل کې نن یو شمېر ښځو د لوړو زده‌کړو وزارت له خوا د نجونو محصلینو پر مخ د پوهنتونونو دروازو بندولو پرېکړې په غبرګون کې لاریون وکړ.

يوې موسسې د بلخ په مرکز او ولسواليو کې شاوخوا ۵۰۰ ښځو ته د خياطۍ زده‌کړې او کار کولو زمينه برابره کړې ده.

د کابل- کندهار لویې لارې مسافر وايي، پر دغه لار پر ګڼو ستونزو سربېره د ښځو لپاره د تشنابونو نشتوالی هغه څه دي چې مسافر یې له ستونزو سره مخ کړي دي.

د کابل پوهنتون مخې ته یو شمېر ښځو او نجونو د لاریون پرمهال د زده‌کړو او خپلو حقونو غوښتنه وکړه.    

د مالیې وزارت وایي، د ګمرکونو د ساتنې تنفیذي قطعې ځواکونو په تورخم کې ۲۸ بورۍ د ښځو د سر وېښتان کشف او ترلاسه کړي دي.

په مزار کې یو شمېر ښځې وايي، امنیتي کسانو د کابل وروستي برید غندنې په موخه د دوی د لاریون مخنیوی کړی خو امنیتي چارواکو ویلي چې لاریون کوونکو له دوی سره همغږي نه وه کړې نو د امنیت خوندیتوب په موخه یې په ښار کې د تګ راتګ اجازه ور نه کړه.

یو شمېر ښځو د کابل ښار ۱۳مې حوزې اړوند په دشت برچي سیمه کې د «کاج» په نوم پر ښوونیز مرکز د پروني برید په غبرګون کې لاریون وکړ او د عدالت پلي کېدو غوښتنه یې وکړه.

یو شمېر افغان مېرمنو د کونړ په مرکز اسعداباد کې په څه باندې درې میلیون افغانیو شخصي لګښت جومات جوړ کړی چې نن د لمونځ‌کوونکو پرمخ پرانيستل شو.