افغانستان

مالیزیا کې د افغانستان سفارت سرپرست د دغه هېواد د فدرالي ایالتونو له مفتي سره په لیدنه کې د دواړو هېوادونو د سیاسي لیدلورو او د محاکمو اړوند د یو شمېر موضوعاتو په اړه خبرې کړې دي.

د افغانستان د سترې محکمې د اداري مرستیال په مشرۍ یو جګپوړی قضایي پلاوی په ایران کې د افغان زندانیانو د حقونو د تامین او په دغه هېواد کې پر اعدام د محکومو افغانانو په تړاو د خبرو لپاره نن سهار تهران ته ولاړ.

د ملګرو ملتونو د بشري مرستو همغږي‌کوونکی دفتر (اوچا) وایي چې ایټالیا د افغانستان د بشري مرستو له صندوق سره د ۴،۵ میلیون یورو مرسته اعلان کړه.

د احصایې او معلوماتو ملي اداره وایي، د روان کال په درېیمه ربعه کې بهر ته د څه باندې ۶۶۹ میلیون ډالرو په ارزښت صادرات شوي دي.

د ملګرو ملتونو د بشري مرستو د همغږۍ‌ دفتر وايي چې په روان میلادي کال کې په افغانستان کې لږ تر لږه ۱۴.۳ میلیون کسان روغتیایي پاملرنې ته اړتیا لري او دوی به وکولی شي یوازې ۹.۳ میلیون کسانو ته روغتیایي مرستې برابرې کړای شي.

د ملګرو ملتونو سازمان د وګړو صندوق په افغانستان کې د میندو، ماشومانو او ځوانانو د روغتیايي ملاتړ لپاره د جاپان د بهرنیو چارو وزارت له ۱،۵ میلیون ډالري مرستې خبر ورکړی دی.

د ملګرو ملتونو د بشري مرستو همغږي‌کوونکی دفتر (اوچا) وایي چې سویس د افغانستان د بشري مرستو له صندوق سره ۲،۶ میلیون امریکایي ډالرو مرسته اعلان کړه.

د تېر لمریز کال له پیل راهیسې افغانستان کې د وچکالۍ، زلزلو، سېلابونو او نورو طبیعي پېښو له امله څه باندې ۲۴ زره کورنۍ بې‌ځایه شوې دي چې تر نیمایي ډېرې یې په هرات او هلمند کې دي.  

افغان او ایراني چارواکو د دواړو هېوادونو ترمنځ د سوداګرۍ راکړې ورکړې د ډېرېدو او د اقتصادي او سوداګریزو اړیکو د پراختیا په موخه د لار نقشې د لاسلیکولو، د ترانزیټي لګښتونو کمولو او له ریل پټلۍ سره د چابهار نښلولو په اړه خبرې کړې دي.

د افغانستان د بهرنیو چارو وزارت سیاسي مرستیال د بلاروس د بهرنیو چارو وزارت لومړي مرستیال سره په لیدنه کې د دواړو هېوادونو ترمنځ د اقتصادي او سیاسي مشترکاتو او نورو ګډو همکاریو په اړه خبرې کړې دي.

د ملګرو ملتونو د بشري مرستو همغري‌کوونکی دفتر (اوچا) وايي چې اسپانیا د افغانستان د بشري مرستو له صندوق سره یو میلیون یورو مرسته کړې ده.

سپینه ماڼۍ وايي چې له ۲۰۲۱ کال وروسته چې افغانستان ته کومې بشري مرستې استول کېږي، ګټه یې د افغانستان خلکو ته رسېږي نه د افغانستان سرپرست حکومت ته او دا مرستې په میخانيکي ډول په همدې بڼې تنظیم شوې دي.