بلخ

د بلخ ولایت چهاربولک ولسوالۍ د بېلابېلو کلیو یو شمېر اوسېدونکي د څښاک پاکو اوبو ته له نه لاسرسي شکایت کوي او د دې ستونزې د هواري غوښتونکي دي.

د بلخ ځایي مسوولین وایي چې د سره صلیب نړۍوالې کمېټې په همکارۍ دغه ولایت کې له ۱۴۵۰ زندانیانو سره د روغتیایي کېټونه مرسته وشوه.

د بلخ امنیه قومانداني وایي چې په تېرو دوو میاشتو کې د دغه ولایت په مرکز او ولسوالیو کې ۴۲ میله بېلابېل ډول وسلې او یوه اندازه مهمات کشف او ترلاسه شوي دي.

د بلخ ولایت په چهاربولک ولسوالۍ کې یو شمېر زده‌کوونکي وايي چې ښوونځي يې ودانۍ او پاکې اوبه نه لري او هم یې ښوونکي کم دي.

د بلخ امنیه قومانداني وایي چې د دغه ولایت په مرکز مزارشریف ښار کې د ترافیکي پېښې له امله درې کسان مړه شوي دي.

د بلخ ولایت د چهارکنت ولسوالۍ یو شمېر اوسېدونکي وايي، له مزارشریف څخه دغې ولسوالۍ ته غځیدلي سړک د خرابوالي له امله ګڼو ستونزو سره مخ دي.

د بلخ ولایت برېښناکوټ (کود و برق) فابریکې مسوولین وایي چې دې فابریکې تېر کال ۳۵ زره او ۲۱۹ ټنه کیمیاوي سره تولید کړې ده.

د بلخ ولایت حیرتان دوه‌لاره کې د څه باندې ۴۲ میلیون افغانیو په لګښت د باروړونکو موټر لپاره د یوه ترمینل جوړولو چارې پیل شوې.

د بلخ امنیه قومانداني وایي چې د دغه ولایت مرکز مزارشریف ښار کې یو اووه کلن ماشوم د انسان‌تښتوونکو له منګولو ژغورل شوی دی.

د بلخ افغاني سرې میاشتې ریاست وایي چې په دغه ولایت کې ۱۳۰۰ ماشومان د زړه سوري پر ناروغۍ اخته دي او د درملنې لپاره یې یو میلیون ډالرو ته اړتیا ده.

په بلخ ولایت کې یو شمېر نابینایان وایي چې د دې طبقې ډېری کسان د درملنې وړ دي او له حکومت او نړۍوالو بنسټونو غوښتنه کوي چې درملنې برخه کې مرسته ورسره وکړي.

د بلخ ولایت د دهدادي ولسوالۍ په شېراباد کلي کې د ۳۸۵ زره امریکایي ډالرو په لګښت د یوه روغتیایي مرکز د جوړولو چارې پیل شوې.