حاصلات

هرات کې یو شمېر کروندګر د اندېښنې په څرګندولو وايي، سږ کال دغه ولایت کې د نباتي ناروغیو له امله د کونځلو په حاصلاتو کې د پام وړ کموالی راغلی دی.

د جوزجان د کرنې ریاست وايي، سږ کال په دغه ولایت کې د خټکیو حاصلات څه باندې ۱۱۶ زره ټنو ته رسېدلي خو کروندګر د بازار پر نشتوالي اندېښنه ښيي او له حکومته په دې برخه کې د مرستې غوښتنه کوي.

د فراه کرنې ریاست وايي چې سږ کال په دغه ولایت کې د هندواڼو حاصلات ۵۴۱۵۰۰ ټنه اټکل شوي دي.

د نیمروز د کرنې ریاست وايي، سږ کال د دغه ولایت پر شاوخوا ۲۰ زره هکتار ځمکه خټکي او هندواڼې کرل شوي چې د ډېرو اورښتونو له امله یې حاصلات د تېر کال په پرتله ډېر شوي دي.

د بلخ د کرنې، اوبو لګولو او مالدارۍ رياست وایي چې سږ کال په دغه ولایت کې ځمکني توت ډېر کرل شوي او حاصلات یې لږ تر لږه تر ۲۲۵ ټنو پورې اټکل شوي دي.

د ننګرهار د کرنې، اوبولګولو او مالدارۍ رياست سږ کال په دغه ولايت کې د پیازو حاصلاتو له ډېرېدو خبر ورکوي، وايي چې حاصلات به یې شاوخوا ۶۶ زره ټنو ته ورسېږي.

د ننګرهار د کرنې، اوبولګولو او مالدارۍ رياست سږ کال په دغه ولايت کې د شفتالو حاصلاتو له ډېرېدو خبر ورکوي او وايي چې حاصلات به یې نږدې نهه زره ټنو ته ورسېږي.

د افغانستان د کرنې، اوبو لګولو او مالدارۍ وزارت وايي، سږ کال هېواد کې د سټروس مېوو حاصلات نږدې ۴۳ زره مټریک ټنو ته رسېدلي دي.

سرپل کې د کرنې ریاست مسوولین وايي چې تېر کال ژمي کې د سړې هوا له امله په دغه ولایت کې سږ کال د چهامغزو حاصلات نږدې ۳۰ سلنه کم شوي، خو سرپل کې بڼوال او بزګر د کرنې او بڼوالۍ د مېکانیزه کولو غوښتنه کوي.

د بلخ کرنې ریاست مسوولین وایي، سږ کال په دغه ولایت کې پر ۱۲۵ هکټار ځمکه زعفران کرل شوي خو د حاصلاتو کچه يې د تېر کال په پرتله نیمایي راکمه شوې ده.

د کندهار د کرنې، اوبولګولو او مالدارۍ ریاست وایي، په دغه ولایت کې د ریحان کښت او حاصلات د تېر کال په پرتله شاوخوا دوه برابره ډېر شوي خو کروندګر یې له ټيټې بیې سر ټکوي او له حکومته غواړي چې بازار ورته پیدا کړي.

د ننګرهار د کرنې او مالدارۍ رياست مسوولين او د جلغوزيو سوداګر وايي چې سږ کال په دغه ولايت کې د جلغوزيو په حاصلاتو کې په بې‌ساري توګه کموالی راغلی دی.