زده‌‌کړو

بادغیس کې یو شمېر کارګر ماشومان وايي، اقتصادي ستونزو د درس پرېښودو او کار کولو ته اړ کړي او له سرپرست حکومته غواړي چې د زده‌کړو زمینه ورته برابره کړي.

د کونړ د پوهنې ریاست مسوولین وایي، په دغه ولایت کې هغو ماشومانو ته چې ښوونځیو ته لاسرسی نه لري، د بېلابېلو ملي او نړۍوالو همکارو موسسو په همکارۍ سیمه‌ییز ټولګي جوړوي.

په خوست کې يو شمېر مېشت کوچيان وايي چې د ژوند د ګڼو نورو لومړنيو اسانتياوو نشتون ترڅنګ يې ماشومان ښوونځيو ته لاسرسی نه لري.

اروزګان کې د ښوونځیو کمښت له امله څه باندې ۸۰ زره ماشومان له زده‌کړو پاتې دي، او مسوولین د ښوونځیو جوړېدو لپاره له نړۍوالو مرستندویه ادارو د همکاري غوښتنه کوي.

په کابل کې د چین سفیر وايي چې هېواد یې له افغانستان سره د لا پیاوړتیا لپاره په بېلابېلو برخو او رشتو کې افغان محصلینو ته د تحصیل زمینه برابره کړې او د طب په ګډون په نورو برخو کې د افغانانو ظرفیت لوړولو په موخه د زده‌کړو لنډمهال پروګرامونه برابروي.

مسوولین وايي، د دایکنډي په لرو ‌پرتو سیمو کې د ۳۵۴ سیمه‌ییزو ښوونځیو په جوړېدو له زده‌کړو بې‌برخې شاوخوا لس زره ماشومانو ته د زده‌کړو زمینه برابره شوې ده.

د خوست د نادرشاه‌کوټ ولسوالۍ د ځني‌خېلو اړوند د څوۍ سيمې اوسېدونکي وايي، په سیمه کې یې د روغتیايي مرکز ترڅنګ ښوونځی هم نشته او ماشومان یې له زده‌کړو محروم دي.

د افغانستان پخواني ولسمشر حامد کرزي د نوي تعلیمي کال د پېلېدو په درشل کې یو ځل بیا له اسلامي امارته غوښتي چې د ښوونځیو او پوهنتونونو دروازې د نجونو پر مخ پرانیزي څو هېواد پر ځان بسیا او د سیالانو سیال شي.

کابل کې تداوي شوي ۵۰۹ روږدي د فني او حرفوي زده‌کړو له مرکزه فارغ شول، چارواکي وايي چې د کار زمینه به ورته برابره کړي.

د افغانستان بهرنیو چارو وزارت سیاسي مرستیال یو ځل بیا ټینګار کړی او ویلي یې دي، د یوه هېواد د اقتصاد او سیاست پر پښو درېدو او له نړۍ سره یې د سیال کېدو یوازېنۍ لار د ټولو پر مخ د زده‌کړو دروازو خلاصېدل دي.

د ننګرهار د پوهنې رياست مسوولين وايي چې له پاکستانه د راستنو شوو کورنیو ۱۵۰۰ ماشومانو ته – چې نجونې هم په کې شاملې دي – د دغه ولایت په ښوونځیو کې د زده‌کړو زمینه برابره شوه.

غزني ته له پاکستانه راستانه شوي کډوال وايي چې حکومت دې د دوی ماشومانو ته د زده‌کړو زمینه برابره کړي.