سالنګ

د ټولګټو وزارت وايي چې د خلکو د ځان او مال ساتنې په موخه د سالنګونو لویه لار د ټولو لویو مسافروړونکو وسایطو لپاره د روان لمریز کال د مرغومي میاشتې تر څلورمې وتړل شوه.

د ټولګټو چارو وزارت وايي چې د سالنګونو لویه لار نن سهار لس بجې له شمال څخه سوېل ته د کوچنیو مسافر وړونکو وسایطو پر مخ پرانیستل شوه.

د افغانستان د ټولګټو وزارت وايي چې د سالنګ لویه لار د واورې ورېدو له امله له څو ساعته تړل کېدو وروسته تېره شپه بېرته پرانیستل شوه.

د سالنګونو د ساتنې او څارنې ریاست مسوولین وايي، د وروستیو واورو او ورښتونو له امله د سالنګ لویه‌ لار د ټېلري موټرو پر مخ تړل شوې خو نور باروړونکي او مسافروړونکي موټر پر یاده لار تګ راتګ کولای شي.

د ټولګټو وزارت وایي، د سالنګ لویه لار چې د واورې ورېدو او سخت توپان له امله له تېرو دوو شپو راهیسې تړل شوې وه، نن د مسافر وړونکو موټرو پر مخ بېرته پرانیستل شوه.

د سالنګ لویې لارې د څار او ساتنې ادارې مسوولین وايي، په تونل کې دننه ځینې ساختماني چارې روانې دي چې له امله به يې دغه لار څو ورځې نور هم تړلې وي.

د ټولګټو وزارت وایي، د شمال لویه لار ۱۱ ورځې وروسته د سالنګ تونل کې د کانکرېټ‌اچونې چارو تر بشپړېدو د هر ډول ترافیکو پر مخ تړل کېږي.

د بغلان ولایت مسوولین وایي، د واورې ورښت او توپان له امله د سالنګ لویه‌لاره د هر ډول ترافیکو پرمخ تړل شوې ده.

د پروان ولایت په سالنګ ولسوالۍ کې د سړک کنګل کېدو له امله یو موټر چپه شوی او پنځه کسان په کې ټپیان شوي دي.

د ټولګټو چارو وزارت وایي، د سالنګ په تونل کې د تېرې شپې د اورلګېدنې له امله ۱۲ تنو ژوند له لاسه ورکړی او ۳۷ نور ټپیان دي.  

د کابل – شمال پر لویه لار په سالنګ تونل کې یوه ټانکر کې د اورلګېدنې له امله ګڼ شمېر کسان ټپیان شوي او لاره د ترافیکو پرمخ تړل شوې ده.

د افغانستان د فواید عامې وزارت او یوه ترکي ساختماني شرکت ګډ پلاوی د کابل – کندهار او سالنګ لويو لارو له ويجاړ شوو پلونو ليدنه کوي او له تخنیکي سروې وروسته به یې د بیارغونې چارې پیل شي.