ستونزې

د امر باالمعروف، نهی عن‌المنکر او شکایتونو اورېدلو وزارت وايي، د ټولنیزو رسنیو له لارې خلکو ته ستونزې جوړول او د هغوی ځورول، قانوني جرم دی او له ترسره کوونکو سره به یې قانوني چلند وشي.

د افغانستان د بهرنیو چارو وزارت د هند او پاکستان کړکېچ په تړاو وایي، امنيت او ثبات د ټولې سیمې په ګټه دی، دواړه لوري دې له زغم کار واخلي او ستونزې دې د ديپلوماسۍ له لارې حل کړي.

د بدخشان ولایت د کران‌ومنجان په لرې پرته ولسوالۍ کې د یو شمېر ښځو لپاره زېږون د مرګ له خطر سره مل دی، په ځینو مواردو کې د مجهزو روغتیايي مرکزونو، وړ ډاکټرانو او مناسبو لارو نشتون د امیندواره ښځو د مړینې لامل کېږي.

د پوهنې وزارت سرپرست وايي، د یوې ټولنې وګړي لکه څنګه چې اوبو ته اړتیا لري، د دیني علومو ترڅنګ د عصري علومو زده‌کولو ته هم جدي اړتیا لري.

د افغانستان د عامې روغتیا وزارت سرپرست د پاکستان د روغتیا له وزیر سره په لیدنه کې د افغان ناروغانو د ویزو ستونزې پر هواري او د ګوزڼ ناروغۍ د له منځه وړلو برخه کې د یوې واحدې پالیسۍ پر څرنګوالي او اړتیا خبرې کړې دي.

د کډوالو او بېرته راستنېدونکو چارو وزارت سرپرست وایي چې د ژمي په را رسېدو سره د راستنو شوو افغان کډوالو ستونزې زیاتې شوې او بشرپاله هېوادونه دې مرستې ورسره وکړي.

د کډوالو چارو کې د ملګرو ملتونو عالي کمېشنري په یوه راپور کې ویلي چې د ژمي په درشل کې له پاکستانه د کډوالو ایستل به په افغانستان کې بشري ناورین لا ډېر کړي.

د افغانستان دسرپرست حکومت د صنعت او سوداګرۍ  د وزیر نورالدین عزیزي په مشرۍ پلاوي د پاکستان د بهرنیو چارو وزیر جلیل عباس جیلاني د افغان سوداګرو او کډوالو په تړاو پر یو شمېر موضوعاتو خبرې کړې دي.

ننګرهار کې ځيني سوداګر او د سوداګرۍ خونه وايي، د پاکستان حکومت له لوري پر یو شمېر ټرانزیټي توکو د پروسس فیس په نوم د ۱۰ سلنه مالیاتو وضع کول او پر ټرانزیټي محمولو د ۱۰۰ سلنه بانکي تضمین غوښتنه، د اپټا تړون خلاف دي.

د ریاست‌الوزراء سیاسي مرستیال له یو شمېر ملي سوداګرو او پانګه‌والو سره په لیدنه کې هغوی ته ډاډ ورکړی چې له سوداګرو به ملاتړ کوي او ستونزې به یې په اساسي ډول هوارې شي.

په اسلام‌اباد کې د افغانستان سفارت پلاوي د افغان سوداګرو د ټرانزیټي مالونو په لېږد کې د ستونزو په تړاو کراچۍ کې د ګمرک له عمومي رییس سره لیدلي دي.

د افغانستان د کډوالو او راستنېدونکو چارو وزارت په اسلام‌اباد کې د کډوالو اتشې ته ویلي چې که په پاکستان کې د افغان بندیانو د بند موده پوره وي، خو د نغدي جریمې او یا کرایې نه لرلو له امله بند پاتې وي، سملاسي دې د جریمې پیسې ادا او د ټرانسپورټ زمینه دې ورته برابره کړي.