شبکې

د کلیو بیارغونې او پراختیا وزارت وايي چې په پکتیکا ولایت کې د څه باندې ۲۱ میلیون افغانیو په لګښت د څښاک پاکو اوبو رسولو د اوو شبکو د جوړولو چارې پیل شوې.

د لوګر ولایت په ازرې ولسوالۍ کې د شاوخوا لس میلیونه افغانیو په لګښت د څښاک اوبو دوه شبکې جوړې او ګټې اخیستنې ته وسپارل شوې.

د اروزګان ځايي مسوولین وايي، چورې ولسوالۍ کې یې د نهه میلیون افغانیو په لګښت د څښاک اوبو رسولو دوه پروژې جوړې او ګټې اخیستنې ته سپارلې دي.

بامیان کې ځايي مسوولین وايي، د دغه ولایت په سیغان ولسوالۍ کې د اوبو رسولو دوو شبکو جوړولو چارې د څه باندې نهه میلیون افغانیو په ارزښت بشپړې او ګټې اخیستنې ته وسپارل شوې.

په لوګر ولایت کې د ۷۲ میلیون افغانیو په لګښت د څښاک پاکو اوبو اووه شبکې جوړې او ګټې اخیستنې ته وسپارل شوې.

د بلخ ولایت په دولت‌اباد، شولګره او بلخ ولسوالیو کې د ۱۲۵ زره امریکایي ډالرو په لګښت د اوبو رسولو درې شبکې ګټې اخيستنې ته وسپارل شوې.

د کاپیسا په تګاب ولسوالۍ کې د یونیسف د څه باندې ۱۴ میلیون افغانیو په لګښت د اوبو رسولو دوو شبکو چارې پیل شوې چې د شپږو میاشتو په موده کې به بشپړې شي.

د هېواد په درېیو ولایتونو کې د نږدې ۲۶ میلیون افغانیو په لګښت د اوبو رسولو درې شبکې جوړې او د دوو نورو چارې پیل شوې.

د کلیو بیارغونې او پراختیا وزارت وایي، په غزني کې د څه باندې ۴۴ میلیون افغانیو په لګښت د ۴۲ پراختیايي پروژو او په کندهار کې د څه باندې ۳۰ زره امریکايي ډالرو په لګښت د اوبو رسولو یوې سولري شبکې جوړولو چارې بشپړې شوې.

د ننګرهار په مرکز جلال‌اباد ښار او د تورخم کډوالو کمپ کې د ۱۲،۵ میلیون افغانیو په لګښت د پاکو اوبو رسولو درې شبکې جوړې او د زابل په سیوري ولسوالۍ کې د اوبو رسولو یوې شبکې د جوړولو چارې پيل شوې.

د ملګرو ملتونو د ماشومانو د ملاتړ صندوق (یونیسف) مسوولین وایي چې سږ کال په اروزګان کې د پاکو اوبو رسولو ۲۴ نوې شبکې جوړوي چې په دې سره به د دغه ولایت ډېری خلک پاکو اوبو ته لاسرسی پیدا کړي.

د میدان‌وردګو په پنځو ولسوالیو کې د ۳۷ میلیون افغانیو په لګښت د پاکو اوبو رسولو ۱۶ شبکو د ترمیم او جوړولو چارې بشپړې او ګټې اخیستنې ته وسپارل شوې.