شکايت

د ډايکندي مرکز نيلي ښار يو شمېر اوسېدونکي د منظم ښاري ټرانسپورت له نشتوالي شکايت کوي او وايي، خلک په ښار کې د تګ‌راتګ لپاره له موټرسايکلونو استفاده کوي.

د کابل يو شمېر اوسېدونکي داسې مهال د تېلو له ټيټ کيفيته شکايت کوي چې د سټنډرډ ملي اداره وايي، په تېر يوه کال کې يې زر ټانکره بې‌کيفيته تېل بېرته اړوندو هېوادونو ته ور ګرځولي دي.

د فاریاب ولایت کوهستان ولسوالۍ اوسېدونکي د لومړنیو توکو بیو له لوړوالي، په روغتیايي مرکزونو کې د درملو له نشتون او د څارویو خوراکي توکو له کمښته شکایت لري، له حکومت او مرستندویو بنسټونو د مرستې او همکارۍ غوښتنه کوي.

د نورستان اوسېدونکي وايي، په دغه ولایت کې مخابراتي او انټرنیټي خدمات محدود او ټکني دي چې دوی یې له ستونزو سره مخ کړي دي.

د شبرغان ښار اوسېدونکي د دې ښار د حلقوي سړک د جوړېدو له چارو چې اته کاله وړاندې پیل شوې وې او لا هم نه دي بشپړې شوي، شکایت کوي او له سرپرست حکومته یې د بشپړېدو غوښتنه وکړه.