ننګرهار

د ننګرهار ولايت يو شمېر اوسېدونکي وايي چې د فارم هډې تاریخي موزیم (هډې موزیم) دې بیاورغول شي چې دې سيمې ته د سیلانیانو د ورتګ لامل شي.

د ننګرهار ولایت په لعلپورې ولسوالۍ د نږدې ۱۰ میلیونه افغانیو په لګښت د اوبو رسولو درې شبکې جوړې شوې.

د ننګرهار امنیه قومانداني وايي چې د دغه ولایت په سره‌رود ولسوالۍ کې د یوې ترافيکي پېښې له امله دوه کسان مړه او ۷ نور ټپیان شوي دي.

د ننګرهار په خوږياڼو او د زابل په ارغنداب ولسوالیو کې د څه باندې ۱۲،۵ میلیون افغانیو په لګښت د اوبو رسولو دوه شبکې جوړې شوې.

د ننګرهار د کار او ټولنيزو چارو رياست وايي، د دغه ولایت د سره‌رود ولسوالۍ د خښتو په بټیو کې شاوخوا شپږ زره کسان کار کوي چې نږدې نیمايي یې ماشومان او تنګي ځوانان دي.

د ننګرهار ولایت په مرکز جلال‌اباد ښار کې د کورنیو تولیداتو نندارتون جوړی شوی چې درې ورځې به دوام وکړي.

د ننګرهار په ګوشتې ولسوالۍ کې د دوو کورنيو ترمنځ اته کلنه دښمني چې یوه مېرمن هم په‌کې وژل شوې وه، نن د قومي مشرانو په منګړیتوب پای ته ورسېده.

د ننګرهار ولايت په بهسودو ولسوالۍ کې د یوې ترافيکي پېښې له امله یو کس مړ او شپږ نور ټپیان شوي دي.

د ننګرهار د امنیه قوماندانۍ مسوولین وايي چې تېرو اتو مياشتو کې يې د دغه ولایت په مرکز او ولسوالیو کې د بېلابېلو جرمونو په تړاو څه باندې ۱۴۰۰ کسان نیولي دي.

د ننګرهار عامې روغتيا رياست له لوري د دغه ولايت په ۲۲ ولسواليو کې نجونو ته د خوارځواکۍ مخنيوي په موخه په وړیا ډول د اوسپنې یا فولیک اسید ګولیو وېشلو کمپاين پيل شو.

د ننګرهار د اطلاعاتو او فرهنګ رياست وايي چې «د ځوانانو د روغتيا او پرمختيا» موسسې په همکارۍ يې دغه ولايت کې ۴۲۰ ځوانانو ته د کمپيوټر او بېلابېلو برخو کې حرفوي زده‌کړې ورکړې دي.

د ننګرهار امنيه قومانداني وايي چې د دغه ولایت د دره نور ولسوالۍ د شيمل او لمټک کليو ترمنځ اووه کلنه دښمني په دوستۍ بدله شوه.