ننګرهار

د ننګرهار کانال شرکت مسوولین وایي چې د خصوصي سکټور د ۴۵ میلیون افغانیو په پانګونه یې د باغونو او تفریحي ځایونو جوړولو دوو پروژو عملي چارې پیل کړې دي.

د کورنیو چارو وزارت وایي، امنیتي ځواکونو ننګرهار کې یو اته کلن ماشوم د انسان تښتوونکو له منګولو ژغورلی او خپلې کورنۍ ته یې سپارلی دی.

د ننګرهار ولایت د شهیدانو او معلولینو چارو ریاست مسوولین وایي چې روان لمریز کال په  دغه ولایت کې نږدې ۲۰ زره کونډو، یتیمانو او معلولینو ته ۹۶۷ میلیونه افغانۍ میاشتني حقوق ورکړل شوي دي.

ننګرهار ولايت کې د کرکټ بورډ ولايتي ادارې له لوري د نجیب‌الله تره‌کي په نوم د کرکټ رمضان جام لس‌اوريزې سيالۍ پای ته ورسېدې.

ننګرهار کې مسوولین وایي چې د دغه ولایت دوربابا ولسوالۍ کې د سرحدي ځواکونو له لوري ۷۰ کیلوګرامه خام چرس چې پاکستان ته لېږدول کېدل، نيول شوي خو قاچاق‌کوونکی یې په تېښته بریالی شوی.

د ننګرهار امنيتي مسوولین وايي، د دغه ولایت په رودات ولسوالۍ کې يوه نجلۍ خپل پلار وروسته له هغه وژلې چې یوه سپین‌ږیري سړي ته یې ودوله خو هغې له دغه کاره انکار کړی و.

د ننګرهار د کرنې، اوبولګولو او مالدارۍ ریاست وایي چې دغه ریاست روان کال څه باندې ۸۷ میلیونه افغانۍ عواید را ټول کړي او د اسلامي امارت خزانې ته یې سپارلي دي.

د ننګرهار د اطلاعاتو او فرهنګ ریاست مسوولین وايي، یوه کاناډايي سيلاني چې دغه ولايت ته په سیاحت تللی و، د اسلام مبارک دین قبول کړی دی.

د ننګرهار د کرنې او مالدارۍ رياست وايي، د ملګرو ملتونو د کرنې او خوړو ادارې په مالي لګښت د دغه ولايت په خوږياڼو او کوز کونړ ولسواليو کې د ناک او الوچو د نوو باغونو جوړولو چارې پيل شوې.

د ننګرهار ولايت د کانال شرکت مسوولین وایي، د دغې ادارې اړوند د خرما بڼ حاصلات به سږ کال د تېر کال په پرتله ډېر وي او ټاکل شوې چې تر ۲۳ ټنه خرما به ترې راټوله شي.

ننګرهار ولایت کې د ۱۲ لوبډلو ترمنځ د رمضان جام کرکټ لس اووریزې سیالۍ پيل شوې.

د ننګرهار امنيتي مسوولین وايي چې د دغه ولایت په هسکه مېنه ولسوالۍ کې د یوه پخواني ماين چاودنې له امله درې ماشومان ټپيان شوي دي.