نړۍ

د روغتیا نړۍوال سازمان وایي چې تېره مېلادي میاشت د کرونا له امله په نړۍ کې نږدې لس زره کسان مړه شوي دي.

افغانستان لپاره د بریتانیا شارژدافیر د ریاست‌الوزاء له سیاسي مرستیال سره په لیدنه کې ویلي، هېواد یې افغانستان کې د دایمي سولې او ثبات پلوی دی او له نړۍ سره د کابل د تعامل لپاره هڅه کوي.

د امریکا سرشمېرنې ادارې اعلان کړی چې د ۲۰۲۴ کال په لومړۍ ورځ به د نړۍ نفوس څه باندې اته میلیاردو ته ورسېږي.

ګلوبل ویټنس موسسې په یوه راپور کې لیکلي چې ټوله نړۍ کې له ۲۰۱۲ تر ۲۰۲۲ پورې لږ تر لږه ۱۹۱۰ د چاپېریال‌ساتنې فعالان وژل شوي، دې موسسې له دولتونو غوښتي څو داسې قانونونه پلي کړي چې د چاپېریال‌ساتنې فعالان خوندي وي.

کابل کې د جاپان سفیر د افغانستان د لوړو زده‌کړو وزارت له سرپرست سره په لیدنه کې ویلي، هېواد یې د افغانستان او نړۍ ترمنځ د تعامل رامنځته کولو لپاره هڅه کوي.

په کابل کې د جاپان مخکني سفیر د اطلاعاتو او فرهنګ وزارت له سرپرست سره په ليدنه کې ویلي، د دې وخت رارسېدلې چې نړۍ او افغانستان نور یوه تعامل ته ورسېږي او جاپان په دې برخه کې همکارۍ ته چمتو دی.

د ملګرو ملتونو له ماشومانو د ملاتړ صندوق (یونیسف) وایي چې په نړۍ کې ۳۳۳ میلیونه ماشومان په سخته بې‌وزلۍ کې ژوند کوي او د ورځې په ډېر کم عاید خپل ژوند تېروي.

په کابل کې د علماوو او قومي مشرانو غونډې ګډونوالو ویلي، ا.ا دې له نړۍ سره په تعامل کې د اسلامي شریعت، خپلواکۍ او عصر له غوښتنو سره سم له لازمې تګلارې کار واخلي او نړۍ دې هم مسوولانه چلند وکړي څو د دواړو لورو ترمنځ بشپړ رسمي تعامل ته زمينه برابره شي.

د افغانستان بهرنیو چارو وزارت سیاسي مرستیال د یوناما له مرستیال سره په کتنه کې ویلي، ا.ا غواړي نور په افغانستان کې د جګړې پاڼه واړوي؛ له نړۍ سره د ډيپلوماټيکو اړيکو نوی باب پرانيزي، شته ستونزې د خبرو له لارې حل کړي او له مقابل لوري هم ورته هيله لري.

د ملګرو ملتونو علمي، ښوونځیز او فرهنګي اداره یا یونسکو یوه راپور کې ویلي چې په نړۍ کې ۱۱۸،۵ میلیونه نجونې له زده‌کړو محرومې دي.

د روغتیا نړۍوال سازمان نن د زمري ۳مه «د ډوبېدو مخنیوي نړۍوالې ورځې» په مناسبت وایي، په نړۍ کې هر کال اوبو کې د ډوبېدو له امله څه د پاسه ۲۳۶ زره کسان خپل ژوند له لاسه ورکوي.

د ملګرو ملتونو سرمنشي وایي، په نړۍ کې نږدې ۱۳۰ میلیون نجونې ښوونځي ته لاسرسی نه لري چې له نیمایي ډېرې يې په بحران‌ځپلو هېوادونو کې ژوند کوي.