واورو

په ختيځ کې د ۲۰۱ خالد بن وليد قول اردو وايي، د ننګرهار پچيراګام ولسوالۍ کې په واورو کې بند پاتې ۵۰ کسان يې ژغورلي دي.

ځايي چارواکي وايي چې د وروستۍ واورې او باران له امله په کاپیسا کې ۴۲ کورونه په قسمي او بشپړ ډول او په پنجشېر ولایت کې په قسمي ډول د ۱۰ استوګنیزو کورونو ویجاړېدو تر څنګ ۱۰۰ څاروي هم له منځه تللي دي.

د غزني سیمه‌ییز مسولین وایي چې د دغه ولایت په ده‌یک ولسوالۍ د ښځو او ماشومانو په ګډون په واورو کې بند ۲۱ کوچیان وژغورل شول.

ځايي مسوولین وايي چې له تېرو دوو ورځو راهیسې د سختو واورو ورېدو او توپان له امله بامیان او دایکنډي ولایتونو ته غځېدلې ځینې لارې تړل شوې او د بېرته پرانیستلو لپاره یې هڅې روانې دي.

د غور- کابل  پر لویه‌لار یو شمېر ایسار مسافر وايي، له تېرې شپې راهیسې د واورې ورېدو او سخت توپان له امله په بکک کوتل کې بند پاتې دي او بېړنیو مرستو ته اړتیا لري.

په غور کې سیمه‌ییزې سرچینې وايي، په دغه ولایت کې د واورې سخت ورښت له امله د غور – کابل لویه لار د مسافرو پرمخ تړل شوې ده.

د غور ولایت په بند باين سيمه کې د سختې واورې او توپان له امله د دغه ولایت یو شمېر بند پاتې مسافر له څو ساعتونو وروسته د سيمه ييزو چارواکو له خوا ژغورل شوي او د فېروزکوه ښار ته لېږدول شوي دي.