ولایتونو

د عدلیې وزارت وایي، د تېرې یوې میاشتې په اوږدو کې یې په ۲۳ ولایتونو کې څه باندې ۲۵۹ جریب ځمکه امارتي تثبت کړې او په اوو ولایتونو کې یې څه باندې ۳۴ زره جریب ځمکه له غصبه خلاصه کړې ده.

د ریاست‌الوزراء اقتصادي معاونیت په هرات، هلمند، ننګرهار او بلخ ولایتونو کې د شاوخوا ۵۴۹ میلیون افغانیو په لګښت د شپږو کرنیزو نمایشي او ترویجي کمپلېکسونو د جوړېدو خبر ورکړی دی.

د هېواد په یو شمېر ولایتونو کې د فوټبال لوبغاړي شکایت کوي چې په ولایتونو کې یې د فوټبال لوبغالي نشته او که شته هم، معیاري نه دي، خو د فوټبال فدراسیون وایي، هڅه کوي د لوبغاړو دې ستونزې ته رسېدنه وکړي.

اړوندو ادارو د هېواد سیندیزو حوزو په ځینو ساحو کې د راتلونکو درېیو ورځو لپاره د سخت ورښت، برېښنا او تالندې، سېلابونو راتلو او د سیندونو اوبو کچې له لوړېدو خبر ورکړی دی.

د عدلیې وزارت وایي، د دغه وزارت د وړاندیز او د ریاست‌الوزراء د منظورۍ له مخې د لا ډېرو خدمتونو وړاندې کولو په موخه د ۲۳ ولایتونو عدلیې رییسان له یو ولایت څخه بل ته تبدیل شول.

د افغانستان د ټولګتو وزارت وايي چې د غور– هرات او غور – فاریاب، د نورستان درېیو ولسوالیو لارې او د فراه – هرات لویه لار د بارانونو، سېلابونو او غرښویېدنې له امله په موقت ډول تړل شوې دي.

بغلان، بامیان او دایکنډي ولایتونو کې له څه کم څلور زره کډوالو، یتیمانو او بې‌وزلو کورنیو سره د خوراکي توکو او نغدو پیسو مرستې وشوې.

سیمه‌ییز مسوولین وایي، په ننګرهار ولایت کې له ۷۰۰ کورنیو سره د خوراکي او غیرخوراکي توکو او دغه راز په اروزګان او فراه ولایتونو کې له څه باندې ۱۴۰۰ کورنیو سره نغدې مرستې وشوې.

د کرنې، اوبو لګولو او مالدارۍ وزارت وايي چې ناروې کمېټه په لسو ولایتونو کې دوه چک‌ډیمونه او لس سړې خونې جوړوي.

د ترانسپورټ او هوایي چلند وزارت له تورخم او سپین‌بولدکه خپلو اړوندو ولایتونو ته د څه باندې څلور زره کډوالو له لېږدولو خبر ورکوي.

کابل (پژواک، ۱۳ غبرګولی ۱۴۰۲): په لوګر او پکتيکا کې له څه باندې لس زره بې‌وزلو کورنيو سره د نغدو پيسو، خوراکي او غیرخوراکي توکو

د کورنيو چارو وزارت وايي، د هېواد په نهو ولایتونو کې یې ۲۱۸۳ جریب ځمکه له کوکنارو پاکه کړې ده.