پراختیایي پروژې

د سرحدونو، قومونو او قبایلو چارو وزارت مسوولین وايي، د هېواد اوو ولایتونو کې د ډیورنډ فرضي کرښې ته څېرمه سیمو کې د یو میلیارد افغانيو په لګښت، ۳۴۳ پروژې منظور شوې چې د ۷۶ چارې یې عملا روانې دي.

د دایکنډي د کلیو پراختیا او بیارغونې ریاست وايي، تېر کال یې د موسسو په مرسته څه کم ۹۱ وړې او لویې پراختیايي او ټولګټې پروژې پلي کړې دي.

د هرات ښاروالۍ مسوولین په داسې حال کې په دغه ولایت کې د ۷۰۰ میلیون افغانیو په ارزښت له ۵۰ ډېرو پراختیایي پروژو د پلې کېدو خبر ورکوي چې د هرات ښار په ځینو سیمو کې د کورونو او هټیو د شاته کولو بهیر پیل شوی دی.

د هرات ښاروالي وایي، هڅه کوي چې په روان کال کې د ښار د ښکلا او د دغه ولایت په کچه د مهمو خدماتو وړاندې کولو په موخه ۵۴ پراختیايي او زیربنايي پروژې پلې کړي؛ له بلې خوا خلک هم د ښاروالۍ له خدماتو خوښ دي.