پسته

بادغیس کې د پستې یو شمېر ځايي سوداګر د دغه محصول د پلور بازار پر سړېدو اندېښنه څرګندوي او له اسلامي امارته غواړي چې پستې ته د بازارموندنې برخه کې جدي ګامونه پورته کړي؛ کنه ذخیره پستې به یې په ګودامونو کې خرابې شي.

د هرات د سوداګرۍ او پانګونې خونې مسوولین وايي چې له دغه ولایته بهر ته د پستې صادرات ډېر شوي او په تېرو نهو میاشتو کې یې د صادراتو ارزښت ۲۴،۶ میلیون امریکایي ډالرو ته رسېږي.

د بدخشان یو شمېر اوسېدونکي وايي، د پستې ځنګلونو ساتنې او مراقبت او د ډېرو ورښتونو له امله په دغه ولایت کې د پستې ونو ډېر بار نیولی او هیله‌من دي چې ښه حاصلات راټول کړي.