پکتیکا

د پکتیکا یو شمېر اوسېدونکي وايي چې په دغه ولایت کې یوازې دوه د برېښنايي تذکرو مرکزونه دي چې د ګڼې ګوڼې او لرې‌والي له امله دوی نه شي کولای په اسانۍ تذکرې ترلاسه کړي.

د پکتیکا د سروبې ولسوالۍ د رباط سیمې اوسېدونکي وايي، په سیمه کې یې روغتیايي مرکز، لېسه او مخابراتي خدمتونه نشته چې له امله یې له ګڼو ستونزو سره مخ دي.

د کلیو د بیارغونې او پراختیا وزارت په پکتیکا کې د څه باندې ۴۰۰ زره امریکايي ډالرو په لګښت د اوبو رسولو اووه شبکو او پروان کې د څه باندې ۱۳ میلیون افغانیو په لګښت د اوبو یوه سربند د جوړېدو خبر ورکړ.

د پکتیکا په مرکز ښرنه کې د ترکيې هېواد د پنځه سوه زره امریکايي ډالرو په لګښت یو دارالایتام جوړ او ګټې اخیستنې ته وسپارل شو.

خوست او پروان کې د اووه میلیون او ۷۲۰ زره افغانیو په لګښت د اوبو رسولو دوو شبکو چارې بشپړې او پکتیکا کې د څه باندې پنځه میلیون او ۶۵۷ زره افغانیو په لګښت د درېیو چک‌ډيمونو جوړولو کار پیل شو.

د ملي دفاع وزارت وایي، ځواکونو یې د پکتیکا ولایت په اورګون ولسوالۍ کې یوې شمېر وسلې او مهمات نیولي دي.

د پکتیکا د ارګون ولسوالۍ د «درې» یو شمېر اوسېدونکي شکایت کوي چې د سیمې سړکونه یې خامه دي، روغتیايي، ښوونیزو او مخابراتي خدمتونو او د څښاک پاکو اوبو ته هم بشپړ لاسرسی نه لري.

د امر بالمعروف، نهې عن المنکر او شکایتونو اورېدو وزارت وایي چې محتسبینو په پکتیکا ولایت کې هغه کس نیولی چې د پیر او مرشد په نومونو یې په ټولنه کې غیرشرعي او خرافاتي کړنې ترسره کولې.

د پکتیکا یو شمېر اوسېدونکي وايي، دغه ولایت دولتي برېښنا نه لري چې له امله يې خلک له ګڼو ستونزو سره مخ دي خو بل لور ته مسوولین بیا وايي چې دغه ستونزه به په نږدې راتلونکي کې حل شي.

د پکتیکا ولایت یو شمېر اوسېدونکي وايي چې په دغه ولایت کې ډېری تاریخي سیمې او ابدې د نړېدو له ګواښ سره مخ دي او غوښتنه کوي چې د بیارغولو لپاره یې باید اقدام وشي.

پکتیکا کې د پلتوني بند جوړولو چارې نن د ریاست‌الوزرا د اقتصادي مرستیال ملا عبدالغني برادر له خوا بېرته پیل شوې.

د مخابراتو او معلوماتي ټکنالوجۍ وزارت سرپرست ویلي چې د پکتیکا ولایت په ځینو سیمو کې ۲۵ مخابراتي سایټونه جوړیږي.