چرګانو فارم‌لرونکي

په سرپل کې یو شمېر د چرګانو فارم‌لرونکي د اندېښنې په څرګندولو سره وايي، له بهره د چرګانو واردات او د چرګانو خوراکي توکو د بیو لوړېدل د دې لامل شوی څو په دغه ولایت کې ځيني فارم‌لرونکي خپل فعالیتونه ودروي.

لغمان کې د چرګانو یو شمېر فارم‌لرونکي وايي، له پاکستانه د غوښې چرګانو وارداتو يې د تولیداتو بازار خراب کړی او ان خپل لګښتونه هم نه شي پوره کولای.

په غزني کې د چرګانو پلورونکي په دغه ولایت کې د چرګانو د مناسب پلور له نشتوالي شکایت کوي، وايي که د دوى ستونزې هوارې نه کړاى شي او له پاکستانه د چرګانو واردات بند نه شي، نو کاروبار به يې له سقوط سره مخ شي.

په پروان کې د چرګانو ځينو فارم‌لرونکو له ولایتي مسوولینو سره په ناسته کې د خپلو محصولاتو خرڅلاو لپاره د بازار له نشتوالي او هېواد ته په قاچاقي ډول د چرګانو واردولو څخه شکایت وکړ.