کوکنارو

د کورنيو چارو وزارت وايي، په سرپل، هرات، پکتیکا، زابل، نیمروز او خوست ولايتونو کې يې ۱۵۰ جریب ځمکه د کوکنارو له کښته پاکه کړې او په غور کې يې د نشه‌یي توکو دوې کارخونې له منځه وړې دي.

د کورنيو چارو وزارت له نشه‌يي توکو سره د مبارزې مرستيال وایي، په ننګرهار ولايت کې سږ کال پر ۹۰۰۰ جريب ځمکه کرل شوي کوکنارو له منځه وړل شوي دي.

د زابل امنیتي چارواکي وايي، په دغه ولایت کې یې د کوکنارو اړولو کمپاین پیل کړی چې تر دې مهاله یې ۱۵۰ جریبه ځمکه د کوکنارو له کښته پاکه کړې ده.

د اروزګان امنیه قومانداني وايي، د دغه ولایت په چنارتو او خاص اروزګان ولسوالیو کې یې د کوکنارو لسګونه جریبه کښت اړولی چې تازه کرل شوي وو.

په هرات ولایت کې ځينو دیني عالمانو او کروندګرو د حکومت له هغې پرېکړې هرکلی وکړ چې پر اساس یې د کوکنارو کرل منع شوي؛ خو له حکومته یې د کوکنارو د بدیل کښت د امکاناتو برابرولو غوښتنه هم وکړه.