ښرنه (پژواک ٢٢ غبرګولى ٩٢): چارواکي وايي، په پکتيکا کې د ايساف هوايي بريد لس ماين خښوونکي وژلي دي.
د سر روضې ولسوال رازمحمد مخلص د غبرګولي په ٢٢مه پژواک خبري اژانس ته وويل، بريد د شپې ناوخته د سر روضې_ارګون تر منځ د کوټنۍ په سيمه کې ترسره شوى دى.
د ده په وينا، دغه ماين خښوونکي له مخکې تر څار لاندې وو چې د ماين خښولو پر مهال پرې هوايي بريد وشواو لس تنه يې ووژل.
نوموړى زياتوي، د وژل شوو دوو تنو مړي ولسوالۍ ته ور وړل شوي او د اتو نورو جسدونه ټوټه ټوټه شوي دي.
د پکتيکا امنيه قوماندان مل پاسوال دولت خان ځدراڼ هم دا مني، چې په بريد کې لس ماين خښوونکي وژل شوي او مړى يې په سيمه کې پراته دي.
د ده په وينا، پوليس سهار وختې سيمې ته رسېدلي او پلټنې يې پيل کړې دي.
امنيه قوماندان وايي، چې په بريد کې د سيمې خلکو ته زيان نه دى اوښتى.
دغه راز د ملي دفاع وزارت له لوري پژواک ته په رالېږل شوې خبرپاڼه کې راغلي، چې د غزني په قره باغ او ګيرو ولسواليو کې د نښتو پر مهال شپږ وسله والو وژل شوي دي.
خبر پاڼه کاږي، چې امنيتي ځواکونو د وژل شوو وسله والو وسلې ترلاسه کړې او دغه راز يې شپږ ماينونه هم کشف او شنډ کړي دي.
د طالبانو وياند دغه دواړه ادعاوې رد کړي
Views: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن