کابل (پژواک، ۲۵ وږی ۱۴۰۰): د اطلاعاتو او فرهنګ وزارت مرستیال او د طالبانو ویاند ذبیح الله مجاهد د ملګرو ملتونو مرستیال له قوله لیکلي، ملګري ملتونه ډاډمن دي چې “اسلامي امارت” له فساد سره د مبارزې کلک هوډ لري.
تېره شپه ناوخته پر خپله ټويټرپاڼه لیکلي چې تېره ورځ د کورنیو چارو سرپرست ملا سراج الدین حقاني د ملګرو ملتونو سرمنشي له مرستیال ګیلیس میچود او په کابل کې د ملګرو ملتو د دفتر له مشرې دیبورالینز او ورسره پلاوي سره کتلي دي.
مجاهد د ملګرو ملتونو د سرمنشي مرستیال له قوله لیکلي چې له طالبانو سره له نږدې لیدو یې هغه تبلیغات چې په تېرو شلو کلونو کې د دوی پر ضد شوي وو، منفي ثابت کړل او اوس نړۍ ته مثبت پيغام ورکوي.
هغه زیاته کړې، ملګري ملتونو ډاډمن دي چې “اسلامي امارت” له فساد سره د مبارزې کلک هوډ لري.
د سرچینې په وینا، افغانستان ته د ملګرو ملتونه راغلی پلاوی به له افغانستانه د امن، سوکالۍ او د ګډ کار د ژمنې او تعهد پيغام د ملګرو ملتونو سرمنشي ته ور وړي، له همدې امله به په راتلونکو ورځو کې افغانانو ته ښه زیري هم ولري.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن