په ننګرهار کې د حکومت اړوند یوې نوې راډیو خپرونې پېل کړې

جلال اباد (پژواک، ۵ غويی ۱۴۰۱):  د ننګرهار ولایت د درېيمې پلې لواء په انګړ کې د استقلال په نوم يوې نوې راډيو خپرونې پېل کړې.

چارواکي وايي، دا راډيو به د اف ام پر ۸۸،۵ څپو خپرونې کوي.

د ننګرهار ولايت مقام رسنيو دفتر په يوې خپرې کړې اعلاميې کې ويلي چې د ۲۰۱ خالد بن وليد قول اردو اړوند په درېيمې پلې لوا کې د استقلال په نوم يوې نوې راډيو خپرونې پېل کړې.

په خبرپاڼه کې د درېيمې پلې لوا قوماندان محمد نظامي له قوله راغلي چې د دغې راډيو له لارې به د اسلامي خپرونو ترڅنګ د قول اردو د فعالیتونو په اړه معلومات خپرېږي.

تر دې وړاندې د اف ام په دې څپې باندې د بيان په نوم راډيو خپرونې کولې.

Views: 151