کابل (پژواک، ۲۹ سلواغه ۱۴۰۱): د افغانستان مرکزي بانک اعلان کړی چې سبا ۱۷ میلیون امریکایي ډالر د لیلام په ډول پلوري.
یاد بانک نن د یوه ټویټ په خپرولو سره لیکلي چې دغه داوطلبي به سبا (یکشنبه، د سلواغې ۳۰مه) ترسره شي.
سرچینې پر شرایطو برابرو له ټولو سوداګریزو بانکونو، صرافانو او د پولي خدمتونو له شرکتونو غوښتي چې په دې داوطلبۍ کې ګډون وکړي.
په ټویټ کې راغلي، د داوطلبۍ ګټونکي مکلف دي چې خپل حسابونه د لیلام ورځې تر پایه تصفیه کړي.
د سرچینې په خبره، د اسعارو د لیلام په داوطلبۍ کې د معاملاتو قسمي تسویې ته نشته، د لیلام ګټونکي باید د خپل ذمت د قیمت پیسې په یو ځل، په نغد ډول او په ټاکلي موده کې د افغانستان بانک ته وسپاري.
Views: 199
GET IN TOUCH
NEWSLETTER
SUGGEST A STORY
PAJHWOK MOBILE APP