[restrict paid=”true”]
اټلانټا (پژواک، ۱۰ مرغومی ۱۴۰۲): د متحده عرب اماراتو کرکټ لوبډلې په دویمه یوه ورځنۍ شلاوریزه نړۍواله لوبه کې افغانستان ته ماته ورکړه.
دا لوبه چې د مرغومي په ۱۰مه د یکشنبې ورځ په شارجې ښار کې ترسره شوه، پچه یې امارات وګټله او لومړی یې د توپوهنې پرېکړه وکړه.
د اماراتو لوبډلې په ټاکل شوو ۲۰ اورونو کې د اوو لوبغاړو په سوځېدو ۱۶۶ منډې جوړې کړې او افغانستان ته یې د ۱۶۷ منډو هدف ورکړ.
د افغانستان له لوري قیساحمد او عظمتالله عمرزي دوه دوه، محمدنبي او فضلالحق فاروقي یو یو لوبغاړي وسوځول.
د افغانستان لوبډلې یاد هدف ترلاسه نه شو کړای او ټوله لوبډله یې په ۱۵۵ منډو وسوځېده، دغه راز اماراتو دا لوبه د ۱۱ منډو په توپیر وګټله او د درېیو لوبو لړۍ یې هم یوه په یوه مساوي کړه.
د ملي لوبډلې له لوري محمدنبي تر ټولو زیاتې ۴۷ او حضرت ځاځي ۳۶ منډې جوړې کړې.
د دواړو هېوادونو ترمنځ لومړۍ لوبه افغانستان ګټلې وه.
[/restrict]
Views: 29
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن