متحده عرب اماراتو په دویمه شل‌اوریزه لوبه کې افغانستان ته ماته ورکړه

[restrict paid="true"]

<p style="text-align: justify;">اټلانټا (پژواک، ۱۰ مرغومی ۱۴۰۲): د متحده عرب اماراتو کرکټ لوبډلې په دویمه یوه ورځنۍ شل‌اوریزه نړۍواله لوبه کې افغانستان ته ماته ورکړه.</p>

<p style="text-align: justify;">دا لوبه چې د مرغومي په ۱۰مه د یکشنبې ورځ په شارجې ښار کې ترسره شوه، پچه یې امارات وګټله او لومړی یې د توپوهنې پرېکړه وکړه.</p>

<p style="text-align: justify;">د اماراتو لوبډلې په ټاکل شوو ۲۰ اورونو کې د اوو لوبغاړو په سوځېدو ۱۶۶ منډې جوړې کړې او افغانستان ته یې د ۱۶۷ منډو هدف ورکړ.</p>

<p style="text-align: justify;">د افغانستان له لوري قیس‌احمد او عظمت‌الله عمرزي دوه دوه، محمدنبي او فضل‌الحق فاروقي یو یو لوبغاړي وسوځول.</p>

<p style="text-align: justify;">د افغانستان لوبډلې یاد هدف ترلاسه نه شو کړای او ټوله لوبډله یې په ۱۵۵ منډو وسوځېده، دغه راز اماراتو دا لوبه د ۱۱ منډو په توپیر وګټله او د درېیو لوبو لړۍ یې هم یوه په یوه مساوي کړه.</p>

<p style="text-align: justify;">د ملي لوبډلې له لوري محمدنبي تر ټولو زیاتې ۴۷ او حضرت ځاځي ۳۶ منډې جوړې کړې.</p>

<p style="text-align: justify;">د دواړو هېوادونو ترمنځ لومړۍ لوبه افغانستان ګټلې وه.</p>

[/restrict]