کابل (پژواک، ۲۰ تله ۱۴۰۳): د پاکستان په پلازمېنه اسلاماباد کې د قایداعظم پوهنتون کې د محصلینو د دوو ډلو ترمنځ نښته شوې چې له امله یې اووه کسان ټپیان شوي دي.
د مشال راډیو د راپور له مخې، دغه نښته تېره ورځ ماښام په قایداعظم پوهنتون کې د پښتنو او پنجابیانو د دوو ټولنو ترمنځ شوې ده.
سرچینې لیکلي چې په دغه نښته کې پنځه تنه ټپیان شوي او د درملنې په موخه روغتون ته وړل شوي دي.
د پاکستان ډان ورځپاڼې بیا لیکلي چې په دغو نښتو کې اووه کسان ټپیان شوي دي.
راپور کې راغلي چې تر دې نښتې وروسته د یاد پوهنتون لیلیه د اکټوبر تر شلمې نېټې رخصت شوې او له محصلینو هم غوښتل چې خپل اتاقونه پرېږدي.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن