کابل (پژواک، ۳۰ چنګاښ ۱۴۰۴): د اسلامي نړۍ د پیوستون سازمان د مشر شیخ ډاکټر محمد بن عبدالکریم العیسی په مشرۍ پلاوی کابل ته راغلی او ټاکل شوې د اسلامي امارت او د یاد سازمان ترمنځ د اړیکو د لا ټينګښت او د اسلامي نړۍ د شته مسایلو او حللارو په اړه خبرې وشي.
ارګ نن پر خپله اېکسپاڼه لیکلي چې د ریاستالوزراء اداري مرستیال مولوي عبدالسلام حنفي نن ماسپښين د اسلامي نړۍ د پیوستون سازمان (رابطه العالم الاسلامی) د رییس شیخ ډاکټر محمد بن عبدالکریم العیسی په مشرۍ پلاوي ته په ارګ کې ښه راغلاست ووايه.
سرچينه زیاتوي، په پام کې ده چې د اسلامي امارت ریيسالوزراء ملا محمدحسن اخند به د اسلامي نړۍ د پیوستون سازمان له ريیس او مل پلاوي سره په کتنه کې د اسلامي امارت او د یاد سازمان ترمنځ د اړیکو او مناسباتو د لا ټينګښت او د اسلامي نړۍ د شته مسایلو او حللارو په اړه بحث او خبرې وکړي.
ارګ لیکلي، ټاکل شوې شیخ ډاکټر محمد بن عبدالکریم العیسی کابل ته د خپل رسمي سفر په جريان کې د کورنیو چارو وزارت له سرپرست خلیفه سراجالدین حقاني او د بهرنیو چارو وزارت له سرپرست مولوي امیرخان متقي سره هم جلا کتنې ولري.
