کابل (پژوک، ۲۵ لړم ۱۴۰۴): د کډوالو او راستنېدونکو چارو وزارت وایي، روان کال یې د هېواد په ۳۴ ولایتونو کې د ۱۵،۳ میلیارد افغانیو په ارزښت د همکاریو ۵۸ هوکړهلیکونه لاسلیک کړي دي.
د یاد وزارت خبرپاڼه کې راغلي چې د روان کال له پیله تر اوسه د هېواد په ۳۴ ولایتونو کې د ۱۵ میلیارده ۳۸۹ میلیونه ۵۵۸ زره او ۴۶۵ اعشاریه ۱۲ افغانیو په ارزښت چې معادل یې ۲۳۱ میلیونه ۱۴۳ زره او ۸۶۴ امریکايي ډالر کېږي، ۵۸ هوکړهلیکونه له ملي او نړۍوالو بنسټونو سره د راستنېدونکو، بېځایه شوو، اړمنو، بېسرپرستو او کوربه ټولنو لپاره د ښو خدمتونو وړاندې کولو په موخه لاسلیک کړي دي.
خبرپاڼه کې راغلي، په وړاندې شوو خدمتونو کې نغدي، غیرنغدي، خوراکي، غیرخوراکي او روغتیايي توکي او د مشورې ورکولو او سرپناوو جوړولو برخې پهکې شامل وو چې ګڼ شمېر کسان ترې برخمن شوي دي.
د کډوالو وزارت لیکلي، هڅه کوي د راستنېدونکو او بېځایه شوو لپاره په ټول هېواد کې ښه بشري خدمتونه وړاندې کړي څو هغوی په ارامه او صمیمانه فضا کې د ورورولۍ او یووالي ژوند وکړي.
