ميدان ښار (پژواک ١٧ ليندۍ ٩٠): د ميدان وردګو د جلرېز ولسوالۍ د امنيه قوماندانۍ ودانۍ چارې بشپړې او ګټې اخيستنې ته وسپارل شوه.
د ميدان وردګو د والي وياند شاهدالله شاهد د ليندۍ په ١٧مه پژواک اژانس ته وويل، چې د جلرېز ولسوالۍ د امنيه قوماندانۍ ودانۍ نن د يو لړ مراسمو په ترڅ کې ګټې اخيستنې ته وسپارل شوه.
د هغه په وينا، ددغې ودانۍ چارې په ياد ولايت کې د مېشتو ايساف ځواکونو له خوا د ١،٧ ميليونه ډالرو په لګښت د تېرو لسو مياشتو په اوږدو کې بشپړې شوې.
نوموړي وويل، چې ياده ودانۍ په درې جريبه ځمکه کې جوړه شوې، چې ٣٠ خونې، د اوبو او برېښنا سيستم او نور اړين ملحقات لري.
شاهد زياته کړه، چې له دې مخکې د جلرېز امنيه قوماندانۍ ځانګړې ودانۍ نه درلوده، چې له دې سره به په سيمه کې امنيتي پرسونل زيات شي او پر امنيتي حالت به زيات اغېز ولري.
Views: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن